Turar Rysqulov aýdandyq kitaphanasynyń uıymdastyrýymen «Áýlıeata – kitap oqıtyn óńir» jobasy aıasynda aqyn, 2000 jyldary jyl áni atanǵan áıgili «Biz ekeýmiz» shyǵarmasynyń sózin jazǵan Káripjan Núsipti eske alýǵa arnalǵan «Káripjanmen syrlasý» atty ádebı mıýzıkl ótti, dep habarlaıdy Egemen.kz.
Is-shara Mels О́zbekov atyndaǵy aýdandyq mádenıet úıiniń foıesinde «О́lmes, óshpes talant ıesi» atty kitap kórmesinen bastalyp, aqynnyń sózine jazylǵan «Biz ekeýmiz» ániniń shyǵý tarıhy baıandalǵan kórinispen ashyldy. Keıinnen Turar Rysqulov aýdany ákiminiń orynbasary Qaırat Ábilhanuly sóz sóılep, aqynnyń shyǵarmalary urpaqqa úlgi, rýhanı azyq ekenin aıtyp ótti.
Is-shara barysynda kitaphana qyzmetkerleri jáne oqyrmandar aqynnyń birneshe óleńin oqydy. Sonymen qatar ádebı mıýzıklge arnaıy shaqyrylǵan qonaqtar, qalamgerdiń zamandastary, shákirtteri jáne qyzdary estelikterimen bólisti.
Jambyl oblysy