Rım Papasy Fransısk 89 jasqa qaraǵan shaǵynda kóz jumdy. Bul týraly Vatıkannyń baspasóz qyzmeti habarlady, dep jazady Egemen.kz TASS aqparattyq agenttigine silteme jasap.
«Qurmetti baýyrlar men ápkeler, bizdiń eń qasıetti ákemiz Fransısktiń qaıtys bolǵanyn úlken qaıǵymen habarlaımyz.
Ol ǵumyryn qudaıǵa jáne onyń shirkeýine qyzmet etýge arnady», dedi kardınal Kevın Farrell.
Onyń aıtýynsha, Rım Papasy 21 sáýir kúni saǵat 07:35-te qaıtys bolǵan.
Al bir kún buryn Rım Papasy Fransısk Pasha merekesinde boı kórsetken. Álemdik BAQ onyń sol sátte óte álsiz kóringenin atap ótip jatyr.
Aıta keteıik, Rım Papasy Fransısk Qazaqstanǵa alǵash ret apostoldyq saparmen 2022 jyldyń 13 qyrkúıeginde kelgen bolatyn.