2014 jylǵy 22 tamyz, Astana qalasy
Bas bostandyǵynan aıyrýǵa sottalǵandardyń jazasyn óteý kezeńinde ornyn aýystyrý qaǵıdalaryn bekitý týraly
Qazaqstan Respýblıkasynyń 2014 jylǵy 5 shildedegi Qylmystyq-atqarý kodeksi 16-babynyń 5) tarmaqshasyna sáıkes buıyramyn:
1. Qosa berilip otyrǵan Bas bostandyǵynan aıyrýǵa sottalǵandardyń jazasyn óteý kezeńinde ornyn aýystyrý qaǵıdalary bekitilsin.
2. Qazaqstan Respýblıkasy Ishki ister mınıstrliginiń Qylmystyq-atqarý júıesi komıteti (B. Berdalın):
1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi;
2) osy buıryqty belgilengen tártippen «Ádilet» aqparattyq-quqyqtyq júıesinde jáne resmı buqaralyq aqparat quraldarynda resmı jarııalaýdy;
3) osy buıryqty Qazaqstan Respýblıkasy Ishki ister mınıstrliginiń resmı ınternet-resýrsynda jarııalaýdy qamtamasyz etsin.
3.«Bas bostandyǵynan aıyrýǵa sottalǵandardyń ornyn aýystyrý qaǵıdasyn bekitý týraly» Qazaqstan Respýblıkasy Ishki ister mınıstriniń 2012 jylǵy 30 naýryzdaǵy №185 buıryǵynyń (Normatıvtik quqyqtyq aktilerdi memlekettik tirkeý tiziliminde 2012 jylǵy 28 sáýirde № 7604 bolyp tirkelgen, «Kazahstanskaıa pravda» gazetiniń 2012 jylǵy 26 mamyrdaǵy №154-156 shyqqan) kúshi joıyldy dep tanylsyn.
4. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary polısııa polkovnıgi B.B. Bısenqulovqa jáne Qazaqstan Respýblıkasy Ishki ister mınıstrligi QAJ komıtetine (B. Berdalın) júktelsin.
5. Osy buıryq resmı jarııalanýǵa jatady jáne 2015 jylǵy 1 qańtardan keıin qoldanysqa engiziledi.
Mınıstr polısııa general-maıory Q. QASYMOV.
Qazaqstan Respýblıkasy Ishki ister mınıstriniń
2014 jylǵy 22 tamyzdaǵy № 550 buıryǵymen bekitilgen
Bas bostandyǵynan aıyrýǵa sottalǵandardyń jazasyn óteý
kezeńinde ornyn aýystyrý qaǵıdalary
Jalpy erejeler
1. Osy Bas bostandyǵynan aıyrýǵa sottalǵandardyń jazasyn óteý kezeńinde ornyn aýystyrý qaǵıdalary (budan ári - Qaǵıdalar) sottalǵandardyń qylmystyq-atqarý júıesiniń (budan ári - QAJ) bir mekemesinen basqa mekemege ornyn aýystyrý tártibin belgileıdi.
2. Sottalǵannyń ornyn aýystyrýy Qazaqstan Respýblıkasy Ishki ister mınıstrligi Qylmystyq-atqarý júıesi departamentiniń (budan ári – QAJD) bastyǵy nemese onyń orynbasary bekitken qorytyndynyń negizinde Qazaqstan Respýblıkasy Ishki ister mınıstrliginiń Qylmystyq-atqarý júıesi komıtetiniń (budan ári – QAJ komıteti) jazbasha nusqaýlary (narıadtary) negizinde júzege asyrylady.
3. Ornyn aýystyrý qorytyndysynda mynadaı málimetter: tegi, aty, ákesiniń aty, týǵan jeri jáne kúni, sottalǵanǵa deıingi turǵan jeri, azamattyǵy, qashan, qaı sot, Qazaqstan Respýblıkasy Qylmystyq kodeksiniń qandaı baptary boıynsha jáne qandaı jaza taǵaıyndalǵany, jaza merziminiń bastalýy men aıaqtalýy, túrmege qamalǵannan keıingi merziminiń aıaqtalýy, sottalǵan ustalatyn mekemeniń nómiri men rejım túri, nómiri kórsetile otyryp qandaı narıadtyń negizinde jáne qashan keldi, qol qoıylǵan kúni, osy mekemege kelgenge deıin jazany óteý orny (jeke isi boıynsha qozǵalysy) jáne qaı mekemege aýystyrý, aýystyrýdyń negizi qamtylýy tıis.
Qorytyndyǵa minezdeme, kótermeleýler jáne jazalaýlar týraly anyqtama, sottalǵannyń basqa mekemege aýystyrýǵa jazbasha ótinishi qosa beriledi.
4. QAJ komıtetiniń nusqaýlary (narıadtary) boıynsha jazany óteý úshin jiberilgen nemese aýystyrylǵan sottalǵandar osy túrdegi basqa mekemelerge QAJ komıtetiniń ruqsatynsyz odan ári aýystyrylmaıdy.
5. Sottalǵandardyń ornyn aýystyrý kezinde olardy mekeme (jiberýshi organ) kıimmen, maýsymdyq aıaq kıimmen, sondaı-aq jol júrýiniń barlyq kezeńine sottalǵandarǵa belgilengen norma boıynsha azyq-túlikpen qamtamasyz etedi.
6. Sottalǵandardyń ornyn aýystyrýy bıýdjettik qarajat esebinen júzege asyrylady.
7. Mekemeniń ýákiletti laýazymdy adamdary sottalǵandardy bir mekemeden basqa mekemege aýystyrý kezinde qupııalylyq pen qaýipsizdikti qamtamasyz etý boıynsha sharalar qabyldaıdy.
8. Tolyq qaýipsizdik mekemesin jazany óteý merzimi aıaqtalǵannan keıin sottalǵan mekemede quqyqtyq tártipti saqtaý qajettiligine baılanysty onyń oryn aýystyrý jaǵdaılaryn qospaǵanda, ol kelgen qaýipsizdigi aralas mekemelerge bekitý boıynsha rejımniń tıisti túri bar mekemege aýystyrylady.
9. Bas bostandyǵynan aıyrýǵa sottalǵandar bir mekemeden basqa mekemege aıdaýylmen aıdaýyldanady.
Buıryq Qazaqstan Respýblıkasynyń Ádilet mınıstrliginde 2014 jylǵy 26 qyrkúıektegi Normatıvtik quqyqtyq kesimderdi memlekettik tirkeýdiń tizilimine № 9758 bolyp engizildi.