Jol apaty búgin, 21 sáýir kúni saǵat 11:00 shamasynda Batys Qazaqstan oblysy, Baıterek aýdanyna qarasty Peremetnoe – Beles avtojolynda bolǵan, dep habarlaıdy Egemen.kz.
Oblystyq polısııa departamentiniń málimetinshe, Jac N56 júk kóligi men VAZ-2110 markaly jeńil avtokóligi soqtyǵysyp, saldarynan 15 jáne 17 jastaǵy bozbalalar oqıǵa ornynda kóz jumǵan.
Qazirgi ýaqytta jol apatyna qatysty qylmystyq is qozǵalyp, oqıǵanyń naqty sebepteri men mán-jaıy anyqtalyp jatyr.
«Polısııa departamenti marqumdardyń otbasylaryna qaıǵyra kóńil aıta otyryp, ata-analardy balalardyń qaýipsizdigine muqııat bolýǵa shaqyrady. Sonymen qatar, jol qozǵalysyna qatysýshylarǵa jol erejelerin qatań saqtaý qajettigin eskertemiz», delingen habarlamada.