2014 jylǵy 7 qarasha, Astana qalasy
Memlekettik emes órtke qarsy qyzmetterdiń qyzmetin júzege asyrý qaǵıdalaryn bekitý týraly
«Azamattyq qorǵaý týraly» 2014 jylǵy 11 sáýirdegi Qazaqstan Respýblıkasy Zańynyń 12-baby 1-tarmaǵynyń 70-5) tarmaqshasyna sáıkes buıyramyn:
1. Qosa berilip otyrǵan Memlekettik emes órtke qarsy qyzmetterdiń qyzmetin júzege asyrý qaǵıdalary bekitilsin.
2. Qazaqstan Respýblıkasy Ishki ister mınıstrliginiń Tótenshe jaǵdaılar komıteti (V.V. Petrov) zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty memlekettik tirkegennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy;
3) osy buıryqty Qazaqstan Respýblıkasy Ishki ister mınıstrliginiń ınternet-resýrsyna ornalastyrýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary V.K. Bojkoǵa júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr polısııa general-leıtenanty Q.QASYMOV.
Qazaqstan Respýblıkasy Ishki ister mınıstriniń 2014 jylǵy 7 qarashadaǵy
№ 782 buıryǵymen bekitilgen
Memlekettik emes órtke qarsy qyzmetterdiń qyzmetin júzege asyrý qaǵıdalary
1. Jalpy erejeler
1. Osy Memlekettik emes órtke qarsy qyzmetterdiń qyzmetin júzege asyrý qaǵıdalary (budan ári – Qaǵıdalar) «Azamattyq qorǵaý týraly» Qazaqstan Respýblıkasynyń 2014 jylǵy 11 sáýirdegi Zańynyń 12-baby 1-tarmaǵynyń 70-5) tarmaqshasyna sáıkes ázirlendi jáne Qazaqstan Respýblıkasynyń aýmaǵynda memlekettik emes órtke qarsy qyzmetterdiń qyzmetin júzege asyrý tártibin belgileıdi.
2. Memlekettik emes órtke qarsy qyzmettiń negizgi mindetteri:
1) uıymdarda, eldi mekenderde jáne obektilerde órtterdiń aldyn alý jáne sóndirý;
2) uıymdarda, eldi mekenderde jáne obektilerde avarııalyq-qutqarý jumystaryn júrgizý bolyp tabylady.
3. Uıymdardyń, eldi mekenderdiń jáne obektilerdiń (budan ári – obekt) órt qaýipsizdigi memlekettik emes órtke qarsy qyzmet qurý nemese jumys istep turǵan memlekettik emes órtke qarsy qyzmettermen qyzmet kórsetýge arnalǵan sharttar jasasý arqyly qamtamasyz etiledi.
4. Negizgi mindetterine sáıkes memlekettik emes órtke qarsy qyzmet jolǵa shyǵatyn tehnıkasy bar jáne jolǵa shyǵatyn tehnıkasy joq bolyp qurylady:
1) jolǵa shyǵatyn tehnıkasy bar – qaramaǵynda negizgi jáne arnaıy órt sóndirý avtomobılderi bar órt sóndirý bólimderi;
2) jolǵa shyǵatyn tehnıkasy joq – qyzmetkerleri órtterdiń aldyn alý (profılaktıka) boıynsha jumysty júzege asyratyn jáne órtterdi alǵashqy órshý satysynda órt sóndirýdiń stasıonarlyq, utqyr nemese qolmen basqarylatyn quraldaryn paıdalana otyryp, sóndirýge qatysatyn órt sóndirý beketteri.
Teńizde munaı operasııalaryn júrgizý úshin stasıonarlyq teńiz qurylystarynda jolǵa shyǵatyn tehnıka retinde órt sóndirý nemese órt sóndirýge beıimdelgen kemeler kózdeledi.
5. Memlekettik emes órtke qarsy qyzmetke jumysqa on segiz jasqa tolǵan jáne memlekettik emes órtke qarsy qyzmetterdiń mamandaryn daıarlaý, qaıta daıarlaý jáne olardyń biliktiligin arttyrý jónindegi órt qaýipsizdigi salasyndaǵy mamandandyrylǵan oqý ortalyqtarynda arnaıy daıarlyq boıynsha oqý kýrsynan ótken Qazaqstan Respýblıkasynyń azamattary qabyldanady.
6. Memlekettik emes órtke qarsy qyzmettiń órtpen kúresýge ázirligin baqylaýdy jáne órtke qarsy qyzmetterdiń qyzmetin úılestirýdi azamattyq qorǵaý salasyndaǵy ýákiletti organ júzege asyrady.
2. Memlekettik emes órtke qarsy qyzmettiń qyzmetin uıymdastyrý tártibi
7. Memlekettik emes órtke qarsy qyzmettiń qyzmetin uıymdastyrý tártibin osy Qaǵıdalarǵa sáıkes obektilerdiń basshylary aıqyndaıdy.
8. Memlekettik emes órtke qarsy qyzmet óz qyzmetin obektilerde órtterdiń aldyn alý jáne sóndirý, órt qaýipsizdigin qamtamasyz etý jáne avarııalyq-qutqarý jumystaryn júrgizý boıynsha jumystardy júrgizýge quqyǵy bar attestat bolǵan jaǵdaıda júzege asyrady.
9. Memlekettik emes órtke qarsy bir qyzmettiń ony ustaýǵa úlestik qatysatyn memlekettik emes órtke qarsy qyzmettiń normatıvtik shyǵý radıýsyndaǵy birneshe obektige qyzmet kórsetýine bolady.
10. Memlekettik emes órtke qarsy qyzmettiń qyzmetin uıymdastyrýdy reglamentteıtin qujattar osy Qaǵıdalarǵa 1-qosymshada keltirilgen memlekettik emes órtke qarsy qyzmet qujattarynyń tizbesine sáıkes qalyptastyrylady.
11. Memlekettik emes órtke qarsy qyzmet turaqty (táýlik boıy) daıyndyqta bolady.
12. Eseptoptyń komandıri basqaratyn órt sóndirý avtomobılindegi eseptop jolǵa shyǵatyn tehnıkasy bar memlekettik emes órtke qarsy qyzmettiń órt sóndirý bólimderiniń negizgi birligi bolyp tabylady. О́rt sóndirý bóliminde eki jáne odan astam órt sóndirý avtomobıli bolǵan kezde qaraýyldardyń bastyqtary (aýysymdardyń basshylary) basqaratyn qaraýyldar qurylady.
13. Jolǵa shyǵatyn tehnıkasy bar órt sóndirý bólimderinde órtterdiń aldyn alý jumystaryn júzege asyrý úshin obekt basshysynyń sheshimimen nusqaýshylary bar órt profılaktıkasy toptary qurylady.
14. Jolǵa shyǵatyn tehnıkasy joq memlekettik emes órtke qarsy qyzmet qurylǵan obektilerdi órtterden kúzetýdi nusqaýshy-órt sóndirýshiler (kezekshi aýysymda keminde 2 shtattyq qyzmetker) júzege asyrady.
15. Obekt basshysynyń sheshimimen memlekettik emes órtke qarsy qyzmettiń órt sóndirý bólimderi men beketterinde kúshterdi, quraldardy jedel basqarýdy uıymdastyrý jáne memlekettik órtke qarsy qyzmet bólimshelerimen ózara is-qımyl jasaý úshin:
1) órt, avarııa týraly habarlamalardy qabyldaýdy;
2) shaqyrý ornyna órt sóndirý avtomobılderindegi eseptoptardy jiberýdi;
3) ókimder berýdi, órt ornynan aqparat alýdy jáne órt sóndirýge tartylatyn bólimshelermen ózara is-qımyl jasaýdy qamtamasyz etetin uıym nemese obekti basshysynyń sheshimimen baılanys pýnktteri qurylady.
О́rt sóndirý bóliminiń (beketiniń) baılanys pýnkti memlekettik órtke qarsy qyzmettiń jaqyn ornalasqan bólimshesiniń baılanys pýnktimen baılanys arnasymen qamtamasyz etiledi.
16. О́rt sóndirý avtomobılderi utqyr radıostansııalarmen qamtamasyz etiledi. Tasymaldanatyn baılanys quraldarymen, sondaı-aq órt sóndirý basshysy, kezekshilikti júzege asyratyn jáne jumys jaǵdaıy boıynsha órt sóndirý bólimi men beketi turaqty ornalasqan jerden tys jerlerdegi qyzmetkerler qamtamasyz etiledi.
17. О́rt sóndirý bólimderinde jáne beketterinde demalýǵa qolaısyz ortada jumys isteý múmkindigi úshin obekt basshysynyń sheshimimen gaz-tútinnen qorǵaý qyzmeti qurylady.
18. Memlekettik emes órtke qarsy qyzmet úshin negizgi órt sóndirý avtomobılderiniń sany osy Qaǵıdalarǵa 2-qosymshaǵa sáıkes aıqyndalady. Obektiler memlekettik emes órtke qarsy qyzmettiń quramynda úlestik qatysqanda negizgi órt sóndirý avtomobılderiniń sany eń kóp sý shyǵynyn qajet etetin obekt úshin aıqyndalady.
19. Obektilerde órtterdi sóndirý úshin qajetti negizgi órt sóndirý avtomobılderin jóndeý jáne/nemese tehnıkalyq qyzmet kórsetý kezinde tasymaldanatyn nemese jyljymaly órt sóndirý motopompalary kózdeledi.
20. Memlekettik emes órtke qarsy qyzmet úshin arnaıy órt sóndirý avtomobılderiniń sanyn obekt basshysy olardyń erekshelikterin eskere otyryp aıqyndaıdy.
21. О́rt sóndirý avtomobılderi Qazaqstan Respýblıkasy Úkimetiniń 2009 jylǵy 16 qańtardaǵy № 16 qaýlysymen bekitilgen «Obektilerdi qorǵaýǵa arnalǵan órt tehnıkasynyń qaýipsizdigine qoıylatyn talaptar» tehnıkalyq reglamentiniń talaptaryna sáıkes ornalastyrylady jáne paıdalanylady.
22. Obektidegi kezekshilik aýysymdaǵy memlekettik emes órtke qarsy qyzmet qyzmetkerleriniń sany órt sóndirý avtomobılindegi eseptoptardyń sanyna kóbeıtilgen órt sóndirý avtomobılderiniń sanymen anyqtalady.
23. Memlekettik emes órtke qarsy qyzmet qyzmetkerleriniń jalpy sany Qazaqstan Respýblıkasynyń eńbek zańnamasyna sáıkes olardyń jumys aýysymyn jáne jumys ýaqytynyń uzaqtyǵyn eskere otyryp anyqtalady.
24. Memlekettik emes órtke qarsy qyzmet qyzmetkerleriniń jalpy sany obekt qyzmetkerleriniń bekitilgen shtat sanyna teń nemese 50 % artyq bolǵanda eseptoptyń laýazymdaryn órtke qarsy erikti quralymdar quramyna kiretin obektiniń shtattyq qyzmetkerleri esebinen aýystyrýǵa bolady.
25. Memlekettik emes órtke qarsy qyzmette obektiniń óndiristik sıpatyn eskere otyryp, teorııalyq jáne praktıkalyq sabaqtardy qosyp, qyzmetkerlerdi jyl saıyn arnaıy daıarlaýdy uıymdastyrý kózdeledi.
Memlekettik emes órtke qarsy qyzmetterdiń qyzmetin júzege asyrý qaǵıdalaryna 1-qosymsha
Memlekettik emes órtke qarsy qyzmet qujattarynyń tizbesi
R/s
№ Qujattyń ataýy Saqtaý orny
1 2 3
Qyzmetti uıymdastyrý boıynsha
1. Qyzmet kitaby Qaraýyl bastyǵy
2. Kezekshi qaraýyl qyzmetkerleriniń fýnksıonaldyq mindetteri Bólim bastyǵy, № 1 papka
3. Bólimshe jaraǵyndaǵy órt sóndirý avtomobılderine arnalǵan eseptiń tabeli № 1 papka, stend
4. Qaraýyldarǵa qyzmetkerlerdi bekitý týraly bólim bastyǵynyń buıryǵy Bólim bastyǵy, № 1 papka
5. Qyzmetkerlerdiń mekenjaılary men telefondarynyń tizbesi № 2 papka
6. Telefon anyqtamalyǵy, OО́BP (KQJBO), bólimshelerdiń, garnızonnyń laýazymdy adamdary radıostansııalarynyń shaqyrýlary № 1, 2 papka
Daıarlyqty uıymdastyrý boıynsha
7. Jeke quramdy kásiptik daıarlaýdy uıymdastyrý jáne ótkizý jónindegi buıryq (aǵymdaǵy jylǵa) Bólim bastyǵy
8. О́rt sóndirýshi, júrgizýshi jáne radıotelefonıst laýazymdaryna jańadan qabyldanǵan qyzmetkerlerdiń alǵashqy daıarlyqtan ótýi týraly sertıfıkattar (kóshirmeler), olardyń taǵylymdamadan ótýin uıymdastyrý jáne ony ótkizý qujattary Bólim bastyǵy
9. Arnaıy daıarlyqtan jáne taǵylamdamadan ótkennen keıin derbes jumys isteýge jiberý týraly buıryq Bólim bastyǵy
10. О́rt sóndirýshilerdi, júrgizýshilerdi jáne radıotelefonısterdi kezekti daıarlaý jónindegi taqyryptyq josparlar men sabaqtardyń kesteleri Bólim bastyǵy
11. Obektilerdi jedel taktıkalyq zerdeleýdiń, órt-taktıkalyq sabaqtar ótkizýdiń jospar-kestesi (kúndizgi jáne túngi ýaqytta) № 1 papka
12. Jeke quramdy TKOJQQ tútin kamerasynda jattyqtyrýdyń jospar-kestesi Bólim bastyǵy, № 1 papka
О́rt sóndirýdi uıymdastyrý boıynsha
13. Bólimshelerdiń shyǵý kestesi (úzindi) nemese «Kúshter men quraldardy tartý jospary» Bólimniń baılanys pýnkti
14. Bólimshelerdiń ornatylǵan sý kózderine, órt shyǵý, jarylý qaýpi bar obektilerge, QÁÝZ obektilerine, adamdar jappaı bolatyn obektilerge jáne basqa da mańyzdy obektilerge shyǵý aýdanynyń jospar-kartasy Bólimniń baılanys pýnkti
15. О́zara is-qımyl jasaý, tirshilikti qamtamasyz etý qyzmetteriniń, QR IIM TJK aýmaqtyq bólimsheleriniń telefon anyqtamalyǵy № 2 papka
16. О́zara is-qımyl jasaý, tirshilikti qamtamasyz etý qyzmetterimen, QR IIM TJK aýmaqtyq bólimshelerimen ózara is-qımyl jasaý nusqaýlyqtary № 1, № 2 papka
17. О́rt sóndirýdiń jedel josparlary men kartochkalarynyń tizimi Bólimniń baılanys pýnkti, № 2 papka
18. О́rt sóndirýdiń jedel josparlary men kartochkalary Bólimniń baılanys pýnkti
19. О́rt sóndirý avtomobılderiniń órtke shyǵý joldamalary Bólimniń baılanys pýnkti
20. Bólimniń baılanys pýnktiniń jýrnaly Bólimniń baılanys pýnkti
21. Saptyq jazba jýrnaly Bólimniń baılanys pýnkti
22. Kiris telefonogrammalarynyń jýrnaly Bólimniń baılanys pýnkti
Gaz-tútinnen qorǵaý qyzmeti boıynsha (bolǵan kezde)
23. Gaz-tútinnen qorǵaýshynyń jeke kartochkasy Qaraýyl bastyǵy
24. Gaz-tútinnen qorǵaýshyǵa TOJQQ bekitý (qaıta bekitý) týraly buıryq № 1 papka
25. Qyzmetkerlerdi qaýipsizdik beketinde derbes jumys isteýge jiberý týraly buıryqtan úzindi № 1 papka
26. GTQQ beketindegi GTQQ múlkiniń tizimi (jabdyq, aspap, maska jaraǵy, ballondar, regeneratıvti patrondar, TOJQQ) GTQQ beketi
27. GTQQ beketinde jumys istegen jáne TOJQQ qyzmet kórsetý kezindegi qaýipsizdik sharalary týraly nusqaýlyq GTQQ beketi
28. TOJQQ jóndeýge tapsyrý týraly akt GTQQ beketi (papkada)
29. TOJQQ № 1 tekseristi tirkeýdi esepke alý jýrnaly Qaraýyl bastyǵy
30. TOJQQ № 2 tekseristi tirkeýdi esepke alý jýrnaly Qaraýyl bastyǵy
31. GTQQ jumys isteýshi býyndardy esepke alý jýrnaly Eseptoptaǵy árbir negizgi avtomobılge – 1
Qaýipsizdik tehnıkasy boıynsha
32. Qaýipsizdik tehnıkasy boıynsha nusqaýlyq jýrnaly Bólim bastyǵy
О́rt sóndirý tehnıkasy boıynsha
33. О́rt sóndirý mashınalaryna júrgizýshiler quramyn bekitý týraly buıryqtan úzindi № 1 papka
34. О́rt sóndirý mashınalaryna TQK kestesi, órt sóndirý avtomobılderine TQK júrgizýdiń jospar-kartasy Bólim bastyǵy, № 1 papka, stend
35. О́rt sóndirý avtomobılderin qabyldaý-tapsyrý jýrnaly Qaraýyl bastyǵy
О́rt-tehnıkalyq jaraq boıynsha
36. О́rt-tehnıkalyq jaraqty synaý jýrnaly Qaraýyl bastyǵy
37. Árbir negizgi jáne arnaıy avtomobılge órt-tehnıkalyq jaraq tizimi Qaraýyl bastyǵy, avtokólik
38. Dıelektrlik quraldardy synaý aktileri Qaraýyl bastyǵy
Tútiktik sharýashylyq boıynsha
39. О́rt sóndirý tútikteriniń pasporttary Qaraýyl bastyǵy
40. Tútikterdi esepke alý jýrnaly Qaraýyl bastyǵy
41. О́rt sóndirý tútikterin sońǵy synaý vedomosi Bólim bastyǵy, qaraýyl bastyǵy
О́rtke qarsy sýmen jabdyqtaý boıynsha
42. Gıdranttardy jáne basqa da sýmen jabdyqtaý kózderin tekserý jýrnaly Qaraýyl bastyǵy
43. Obektiniń sý kózderiniń anyqtamasy men plansheti Eseptoptaǵy árbir negizgi avtomobılge
Eskertpe: abbrevıatýralardyń tolyq jazylýy:
QR IIM TJK – Qazaqstan Respýblıkasy Ishki ister mınıstrliginiń
Tótenshe jaǵdaılar komıteti
OО́BP – ortalyq órt sóndirý baılanys pýnkti
KQJBO – kúshter men quraldardy jedel basqarý ortalyǵy
TOJQQ – tynys alý organdaryn jeke qorǵaý quraly
QÁÝZ – qatty áser etetin ýly zattar
GTQQ – gaz-tútinnen qorǵaý qyzmeti
TQK – tehnıkalyq qyzmet kórsetý
Memlekettik emes órtke qarsy qyzmetterdiń qyzmetin júzege asyrý qaǵıdalaryna 2-qosymsha
Memlekettik emes órtke qarsy qyzmet bólimsheleri úshin negizgi
órt sóndirý avtomobılderiniń sanyn anyqtaý
1. Memlekettik emes órtke qarsy qyzmet úshin negizgi órt sóndirý avtomobılderiniń sany obektiniń syrtqy órt sóndirýge jumsalatyn qajetti sý shyǵynynyń qol oqpandarymen bir órt sóndirý avtomobıliniń eseptoby beretin sý shyǵynyna qatynasymen (14 l/s) anyqtalady. Máni 0,5 artyq bolǵan kezde alynǵan mándi ulǵaıtý jaǵyna qaraı jáne kerisinshe, biraq bir avtomobılden kem emes etip dóńgelekteý qajet.
2. Obektiniń syrtqy órt sóndirýine jumsalatyn sý shyǵyny ǵımarattar men qurylystardy, syrtqy jelilerdi ınjenerlik qamtamasyz etýge arnalǵan normatıvtik qujattar («Sýmen jabdyqtaý. Syrtqy jeliler men qurylystar» 4.01.02-2009 QNjE) talaptaryna sáıkes obektiniń aýmaǵynda bir mezgilde bolatyn órtterdiń eseptik sanyn jáne syrtqy órt sóndirýge jumsalatyn qajetti sý shyǵynyn eskere otyryp anyqtalady.
3. Obektide bir mezgilde bolatyn eki órt kezinde syrtqy órt sóndirýge jumsalatyn sý shyǵyny eń kóp sý shyǵynyn qajet etetin eki ǵımarat boıynsha qabyldanýy tıis.
4. О́ndiristik ǵımarattar men qurylystarda syrtqy órt sóndirýge, sondaı-aq munaı men munaı ónimderin saqtaýǵa jáne tasymaldaýǵa baılanysty syrtqy tehnologııalyq qondyrǵylaryna jumsalatyn sý shyǵyny jalpy normatıvtik-tehnıkalyq qujattar («Munaı jáne munaı ónimderiniń qoımalary. О́rtke qarsy normalar» 2.11.03-93 QNjE) talaptaryna sáıkes qabyldanady.
5. О́ndiristik ǵımarattar men qurylystarda, sondaı-aq órt shyǵý, jarylý qaýpi bar óndiristerdiń (rezervýarlyq parkter, sorǵymen aıdaý stansııalarynyń ǵımarattary, aǵyzý-qotarý estakadalary) syrtqy tehnologııalyq qondyrǵylarda syrtqy órt sóndirý avtomatty órt sóndirý júıelerimen nemese joǵary qysymdy sý qubyrynda ornatylǵan turaqty lafetti oqpandarmen júzege asyrylǵan jaǵdaıda, kórsetilgen obektilerde jolǵa shyǵatyn tehnıkadan órtterdi sóndirýge jumsalatyn sý shyǵyny qosalqy óndiris ǵımaratyna (ákimshilik ǵımarattar, garajdar, turaqtar), sondaı-aq «Munaı jáne munaı ónimderiniń qoımalary. О́rtke qarsy normalar» 2.11.03-93 QNjE 8.6, 8.19-tarmaqtarynda anyqtalǵan ǵımarattar men qurylystarǵa esepteledi.
6. «Munaı jáne munaı ónimderiniń qoımalary. О́rtke qarsy normalar» 2.11.03-93 QNjE 8.6, 8.19-tarmaqtarynda anyqtalǵan ǵımarattar men qurylystardy qospaǵanda, qosalqy óndiriste syrtqy órt sóndirýge jumsalatyn sý shyǵyny eń kóp sý shyǵynyn qajet etetin ǵımarattar (qurylystar) úshin «Sýmen jabdyqtaý. Syrtqy jeliler men qurylystar» 4.01.02-2009 QNjE 5.2.6-tarmaǵyna sáıkes qabyldanady.
Buıryq Qazaqstan Respýblıkasynyń Ádilet mınıstrliginde 2014 jylǵy 5 jeltoqsanda Normatıvtik quqyqtyq kesimderdi memlekettik tirkeýdiń tizilimine №9931 bolyp engizildi.