H.Dosmuhamedov atyndaǵy Atyraý ýnıversıtetiniń baspasóz qyzmeti málimdegendeı, apatty dep tanylǵan №2 jataqhananyń 5 qabatty ǵımaraty 1972 jyly salynǵan. Munda 2023 jyldyń 1 aqpanynan beri stýdentter turmaıdy, dep jazady Egemen.kz.
«Ýnıversıtettiń sharýashylyq bólimi 2022 jyldyń qarasha aıynda №2 jataqhanadaǵy 1-qabattyń qabyrǵasynda aqaýdyń paıda bolǵanyn anyqtady. Osy jaǵdaı anyqtalǵan soń memlekettik satyp alý portaly arqyly jataqhananyń tehnıkalyq qaýipsizdigine saraptama júrgizýge konkýrs jarııalandy. 2023 jylǵy 21 aqpandaǵy №138 kelisimshartqa sáıkes «PFA compani» JShS tehnıkalyq zerdeleý jumystaryn júrgizip, ǵımarattyń apatty jaǵdaıda ekeni rastaldy. Stýdentter basqa jataqhanalarǵa kóshirilip, ornalastyryldy», delingen ýnıversıettiń baspasóz qyzmeti usynǵan habarlamada.
Atyraý oblysynyń qurylys basqarmasy ýnıversıtettiń apatty jaǵdaıdaǵy eki jataqhanasynyń ǵımaratyn buzyp, stýdentterge arnalǵan 1000 oryndyq jańa jataqhana salý úshin jobalyq-smetalyq qujattama daıyndaǵan. Qazirgi ýaqytta joba saraptamadan ótýge joldanǵan.
«Apatty dep tanylǵan №2 jataqhananyń aınalasy qorshalyp tur. Jataqhananyń bir bóliginiń qulaǵanynan eshkim zardap shekken joq», dep málimdedi baspasóz qyzmetinen.