Prezıdenttiń «Nurly Jol – bolashaqqa bastar jol» halyqqa Joldaýy aıasynda agroónerkásip keshenine ınnovasııalyq tehnologııany engizý» taqyryby boıynsha Aqmola oblysynda Parlament Senaty «О́ńir» depýtattyq tobynyń kóshpeli otyrysy boldy.
Otyrysty ashqan Parlament Senaty «О́ńir» depýtattyq tobynyń jetekshisi Mıhaıl Bortnık Memleket basshysy N.Nazarbaevtyń «Nurly Jol – bolashaqqa bastar jol» Qazaqstan halqyna Joldaýynda elimizdiń ekonomıkalyq saıasatynyń negizgi baǵyttary belgilengenine nazar aýdardy. Baǵdarlamalyq qujatta Elbasy elimizdiń azyq-túlik qaýipsizdigi máselelerin sheshýge múmkindik beretin daǵdarysqa qarsy jańa sharalardyń biri retinde agroónerkásip keshenin memlekettik qoldaýdy ulǵaıtý qajettigin atap ótti.
«Tabıǵı jaǵdaılarǵa, energııamen jabdyqtalýǵa, memlekettiń qarjylaı qoldaýynyń kólemine, básekelestiktiń áserine baılanysty – osy jáne basqa da kóptegen máselelerdiń bári, ásirese, qazirgi kezdegi EAEO aıasynda jáne Qazaqstannyń Dúnıejúzilik saýda uıymyna enýi qarsańynda bizdiń aýyl sharýashylyǵy ónimderin óndirýshilerge áser etedi. Sondyqtan ınnovasııalyq tehnologııany engizý máseleleriniń Qazaqstanda qazirgi zamanǵy básekege qabiletti agroónerkásip keshenin qalyptastyrýǵa yqpaly bar», – dedi M.Bortnık.
Agroónerkásip keshenin damytý týraly Aqmola oblysy ákiminiń birinshi orynbasary Q.Otarov, agroónerkásip keshenine ınnovasııalyq tehnologııalardy engizý máseleleri týraly Aýyl sharýashylyǵy mınıstriniń orynbasary E.Kósherbaev, «Agrarlyq zertteýler ýnıversıteti: bilim berý men ǵylymǵa qazirgi kózqarastar» taqyryby boıynsha S.Seıfýllın atyndaǵy Qazaq agrotehnıkalyq ýnıversıteti basqarmasy tóraǵasynyń orynbasary S.Mogılnyı, sondaı-aq, aýyl sharýashylyǵy mekemeleriniń jetekshileri sóz sóıledi.
Kóshpeli otyrys aıasynda senatorlar «Astrahan broıler qus fabrıkasy» JShS-inde jáne kópsalaly «Bastaý» JShS-inde bolyp, óndiriske ınnovasııalyq tehnologııanyń engizilýimen tanysty.
Baqbergen AMALBEK,
«Egemen Qazaqstan».
Aqmola oblysy.