Qytaı álemde alǵash bolyp 10G jyldamdyqtaǵy ınternetti qoldanysqa engizdi. Bul – jaı synaq ne zerthanalyq úlgi emes, naqty jumys istep turǵan jeli. Jyldam jeli Beıjiń qalasyna jaqyn ornalasqan Sıýnan turǵyn aýdanynda ornatylǵan.
Internet jyldamdyǵy sekýndyna 9 834 Mbıt-ke deıin jetedi. Bul – 4K sapasyndaǵy tolyqmetrli fılmdi nebári bir mınýtta, al kólemi 100–150 GB bolatyn zamanaýı kompıýterlik oıyndy eki-aq mınýtta júkteı alasyz degen sóz. Mamandar muny sıfrlyq ınfraqurylym salasyndaǵy úlken serpilis dep baǵalap otyr. Jańa tehnologııa bolashaqta basqa qalalarǵa da taralyp, adam ómirin buryn-sońdy bolmaǵan jyldamdyqpen baılanystyrýy múmkin.