Bizdiń aldymyzdaǵy tolqyndar, ásirese Saıyn Muratbekov, Ramazan Toqtarov, Ákim Tarazı, Qabdesh Jumadilov, Qalıhan Ysqaq, osylardyń bári ózderin bes tapalmyz deıtin. Sol bes tapaldyń qaı-qaısysy bolsyn óte daryndy, ózindik úlken joly bar qalamgerler edi.
О́mir bar jerde ólim bar, tabıǵattyń zańdylyǵy sol eken, árbirin qımaǵanymyzben, bári kezegimen dúnıeden ótip ketti. Qalıhan aǵamyzdyń da jaqynda 90 jyldyǵyn artyndaǵy urpaqtary, oqyrmandary jumylyp toılaǵaly jatyr.
Bes tapaldyń sońǵysy osy Ákim Tarazı edi. Ádebıetke adal Ákim kókemiz de tirshiliginde myzǵymas murattardy mańdaıǵa tutqan talaı shyǵarma jazdy. Jyldar boıy urpaq jadynda jańǵyra túsetin, kóńil terbep, júrek tolqytyp, sanalardy sáýlelendiretin ólmes týyndylar qaldyrdy. Eńbekteri el kóleminde, memlekettik turǵyda moıyndaldy, joǵary baǵalandy.
Qandaı jaǵdaı bolsyn, aǵamyz sabyrly, salmaqty adam edi. Taý qozǵalsa qyńbaıtyn minez bergendeı elesteıtin. Artyndaǵy inilerine qamqorlyq jasaýdan tanbaıtyn. Joǵaryda aıtqan aǵalarymyzdyń esh jamandyǵyn, usaqtyǵyn kórgen joqpyz. Qımaǵanymyzben, qansha qınalsaq ta sabyr etip, artyndaǵy urpaqtaryna, Qudaı qosqan qosaǵy Rozaǵa kóńil aıtamyz. Urpaqtary aman bolsyn.
Ákimniń máńgilik sapary endi bastaldy. Shyǵarmalaryn qalyń oqyrmany qoldan túsirmeıdi.
Kádirbek SEGIZBAIULY,
jazýshy, Memlekettik syılyqtyń laýreaty