Ystambulda qýatty jer silkinisi boldy, dep habarlaıdy Egemen.kz túrkııalyq BAQ-qa silteme jasap.
Yeni Şafak habarlaýynsha, 3,9 baldyq jer silkinisinen keıin Ystambuldaǵy Sılıvrı jaǵalaýynda 6,2 baldyq ekinshi jer silkinisi boldy. Ol 10 sekýnd boıy sezildi. Zardap shekkender men qıraýlar týraly málimet joq.
Sonymen qatar, Eýropa-Jerorta teńizi seısmologııalyq ortalyǵynyń (EMSC) málimetinshe, jergilikti ýaqyt boıynsha saǵat 12.49-da magnıtýdasy 6,2 ball bolatyn jer silkinisi tirkeldi. Jer silkinisiniń oshaǵy Marmara teńizinde, Sılıvrı qalasynan ońtústikke qaraı 26 shaqyrym jerde ornalasqan.
Keıinirek sol aımaqta taǵy eki jer dúmpýleri tirkeldi - magnıtýdasy 5,0 jáne 5,3. Olar Stambýldyń birneshe aımaǵynda da sezildi.