Qazaqstan Respýblıkasy Úkimeti Parıjde ótken 2024 jylǵy Olımpıada jáne Paralımpıada oıyndarynyń chempıondary men júldegerlerine syıaqy berý týraly sheshim qabyldady, dep habarlaıdy Egemen.kz.
Atalǵan sheshim Memleket basshysynyń tapsyrmalaryn oryndaý maqsatynda qabyldanyp, qoldanystaǵy zańnamaǵa saı ázirlendi jáne tıisti memlekettik organdarmen kelisildi. Qaýlyda halyqaralyq dodalarda el namysyn abyroımen qorǵap, jeńis tuǵyrynan kóringen sportshylar men bapkerlerge memlekettik syıaqy berý qarastyrylǵan.
Syıaqynyń tólený tártibi men mólsheri buǵan deıin bekitilgen normatıvter negizinde júzege asyrylady.
Esterińizge sala keteıik, 2024 jylǵy Olımpıada oıyndary 26 shilde men 11 tamyz aralyǵynda Parıjde ótti. Qazaqstan quramasy jarysty 7 medalmen aıaqtap, jalpykomandalyq esepte 43-orynǵa turaqtady.