Qytaıda adam tárizdi robottar arasyndaǵy alǵashqy jartylaı marafon ótti. Tarıhta tuńǵysh ret uıymdastyrylǵan erekshe dodaǵa Beıjiń, Shanhaı, Gýanchjoý, Szıansý syndy óńirlerden 21 kásiporyn men joǵary oqý ornynyń komandalary qatysqan.
Ádettegi marafonda sportshylar bir sátte jarysty bastasa, bul saıysta robottar birinen soń biri jolǵa shyqty. 21 shaqyrymdyq jartylaı marafonda robottar sportshylarmen qatarlasyp júgirdi. Qaýipsizdik maqsatynda eki topqa bólek jolaqtar bólingen. Osylaısha, bul is-shara robottehnıka men jasandy ıntellekt salasyndaǵy jetistikterdi kórsetip qana qoımaı, bolashaqta robottardyń qoǵamdyq ómirge belsendirek aralasýy múmkin ekenin de áıgiledi.