Golovkın jattyǵýdy bastaıdy

WBA (Super), IBO ı WBC (Interim) tujyrymdary boıynsha orta salmaqtaǵy álem chempıony Gennadıı Golovkın óziniń jattyǵý lagerine oralyp, 17 tamyzdan bastap jattyǵýlaryna kirisedi. Bul týraly onyń bapkeri Abel Sanches habarlady. «Bizdiń kelesi jekpe-jek 17 qa­zan­­da ótedi. Oǵan deıin Golov­kın­ge ty­nyq­qan jón», – dedi boks­shy­nyń jeke bapkeri. Eske salar bolsaq, 17 qazan kúni Nıý-Iorktegi ataqty Madison Square Garden saraı­ynda ótetin jekpe-jekte Gen- nadıı Golovkın qanadalyq bylǵary qolǵap sheberi, IBF tıtýlynyń ıegeri Davıd Lem­emen judyryq túıistiredi. Atal­ǵan jekpe-jek HBO tele­ar­nasy arqyly kórsetiledi. Qazaqstandyq sportsúıer qaýym bul aıqasty «Qazaqstan» telearnasynan tike­leı efırde tamashalaı alady. Ázirge kásibı rıngte jeńi­listiń ashy dámin tatpaǵan Golovkınniń úlesinde 33 jeńis bar jáne ol onyń 30-yn nokaýtpen aıaqtady. Al Leme bolsa, 34 ret jeńiske jetip (31 nokaýt), eki jekpe-jekte ǵana qar­sylastaryna ese jibergen. Qaırat ÁBILDINOV, jýrnalıst. Qaraǵandy.