Tup-týra 142 jyl buryn Alash qozǵalysynyń qaıratkeri, dáriger, ǵalym Halel Dosmuhameduly ómirge keldi, dep habarlaıdy Egemen.kz.
Qazaq halqynyń taǵdyry tarazyǵa túsken almaǵaıyp zamanda Halel Dosmuhameduly ultynyń jarqyn bolashaǵy jolynda qajyrly eńbek etti. Ol medısına salasynda ǵana emes, tarıh, til bilimi, ádebıettaný, etnografııa jáne pedagogıka salalarynda da ólsheýsiz mura qaldyrdy.
Halel Dosmuhamedulynyń esimi Alash ıdeıasymen tyǵyz baılanysty. Ol ulttyq memlekettilik pen bilim berý isin jańǵyrtýǵa, halyqtyń densaýlyǵyn saqtaý júıesin jetildirýge erekshe mán berdi. Onyń bastamasymen alǵashqylardyń biri bolyp qazaq tilindegi medısınalyq termınologııa qalyptasa bastady.