23 sáýirde E-Qazyna elektrondy platformasynda bes birdeı zergerlik buıym boıynsha aýksıon túrindegi saýda-sattyq ótti. Bul týraly Qaıtarylǵan aktıvterdi basqarý kompanııasy málimdedi.
Satylǵan zergerlik buıymdardyń qatarynda qaıtarylǵan aktıvter bolatyn «CARTIER LOVE» bilezigi men júzigi, ızýmrýd tasy bar syrǵalar, akvamarın tasy bar júzik, gaýhar tasty altyn júzik jáne injý men gaýhar tastarmen kómkerilgen syrǵalar bar.
Realızasııalanǵan aktıvterdiń jalpy somasy — 5 425 246 teńge.
— Zergerlik buıymdardy satý azamattardyń áleýmettik bastamalardy damytýǵa sanaly túrde qatysýynyń jarqyn mysaly. Aýksıon arqyly aktıvterdi satyp ala otyryp, árbir qatysýshy el bolashaǵyna úles qosady. Sebebi túsken qarajat Arnaıy memlekettik qorǵa aýdarylyp, mańyzdy qoǵamdyq jobalardy qoldaýǵa jumsalady, — dep habarlady Qaıtarylǵan aktıvterdi basqarý kompanııasy.