1 maýsymnan bastap Birikken Arab Ámirlikteriniń jańa «Air Arabia Abu Dhabi» áýe kompanııasy Qazaqstannyń áýe tasymaldaý naryǵyna resmı túrde kiredi. Bul kompanııa Abý-Dabı men Almaty qalalary arasynda tikeleı turaqty jolaýshylar reısterin oryndaı bastaıdy, dep habarlaıdy Egemen.kz.
Josparǵa sáıkes, reıster aptasyna úsh ret – seısenbi, juma jáne jeksenbi kúnderi oryndalady.
Eki el arasyndaǵy áýe qatynasynyń keńeıtilýi azamattar úshin qolaıly ári tıimdi halyqaralyq baǵyttardyń artýyna jol ashady.
«Qazaqstan men BAÁ arasynda áýe qatynasynyń ashylýy elder arasyndaǵy saýda-ekonomıkalyq, iskerlik, ınvestısııalyq, týrıstik jáne mádenı yntymaqtastyqty odan ári damytýǵa yqpal etpek», dep habarlady Kólik mınıstrliginiń baspasóz qyzmeti.
Air Arabia Abu Dhabi – Taıaý Shyǵystaǵy jetekshi loýkosterlerdiń biri bolyp sanalatyn Air Arabia kompanııasynyń enshiles kásiporny.