Qazaqstan Úkimeti 2024 jyly Parıjde ótken XXXIII jazǵy Olımpıada jáne XVII jazǵy Paralımpıada oıyndarynyń jeńimpazdary men júldegerlerin yntalandyrý maqsatynda aqshalaı syıaqy berý týraly qaýly qabyldady, dep habarlaıdy Egemen.kz.
Qaýlyǵa sáıkes, Úkimet rezervinen sportshylar men olardyń jattyqtyrýshylaryna arnalǵan syıaqylar bólinip, 49 sportshy men 63 jattyqtyrýshy qarjylaı qoldaýǵa ıe boldy.
Qoldanystaǵy zańnamaǵa saı, Olımpıada jáne Paralımpıada oıyndarynda oryn alǵan sportshylarǵa kelisideı mólsherde syıaqy tólenedi:
1-oryn — 250 000 AQSh dollary; 2-oryn — 150 000 AQSh dollary; 3-oryn — 75 000 AQSh dollary; 4-oryn — 30 000 AQSh dollary; 5-oryn — 10 000 AQSh dollary; 6-oryn — 5 000 AQSh dollary.Sondaı-aq bul tólemder sportshylardyń jeke jattyqtyrýshylaryna jáne bas jattyqtyrýshylaryna da beriledi.
Budan bólek, jeńimpazdar men júldegerlerge jergilikti atqarýshy organdar tarapynan qosymsha qoldaý kórsetilip jatyr. Atap aıtqanda, ákimdikter sportshylarǵa jergilikti turǵyn úı qorynan tegin páter beredi.