Sınoptıkter 26 sáýirde Astana men 17 oblysta dabyldy eskertý jarııalady, dep habarlaıdy Egemen.kz «Qazgıdrometke» silteme jasap.
Astanada kúndiz ońtústik jáne ońtústik-batystan soǵatyn jeldiń ekpini 15-20 m/s jetedi.
Aqmola oblysynyń batysy men soltústiginde naızaǵaı oınaıdy, kúndiz burshaq jaýady. Jeldiń ekpini 15-20 m/s. Kókshetaýda kúndiz naızaǵaı oınaıdy. Tańerteń jáne kúndiz ońtústik, ońtústik-batystan soǵatyn jeldiń ekpini 15-18 m/s jetedi.
Qostanaı oblysynyń batysynda, soltústiginde jáne shyǵysynda kúndiz naızaǵaı oınap, burshaq jaýýy múmkin. Jeldiń ekpini 15-20 m/s. Qostanaıda naızaǵaı oınaıdy. Ońtústik, ońtústik-batystan soǵatyn jeldiń ekpini 15-20 m/s.
Soltústik Qazaqstan oblysynda kúndiz batysta jáne soltústikte naızaǵaı oınap, burshaq jaýýy múmkin, shyǵysta shańdy daýyl soǵady. Jeldiń ekpini 23-28 m/s. Petropavlda kúndiz naızaǵaı oınaıdy. Ońtústik-batystan soǵatyn jeldiń ekpini 23-28 m/s.
Pavlodar oblysynda ońtústikten jel soǵady, soltústikte kúndiz ekpini 15-20 m/s.
Qaraǵandy oblysynda jeldiń ekpini 15-18 m/s. Qaraǵandyda ońtústik-shyǵystan, kúndiz ońtústikten jel soǵady, keı jerlerde ekpini 15 m/s bolady.
Ulytaý oblysynda jeldiń ekpini 15-18 m/s jetedi. Jezqazǵanda ońtústik-shyǵys, ońtústik jeliniń ekpini kúndiz 15 m/s jetedi.
Aqtóbe oblysynyń ońtústiginde, batysynda, shyǵysynda naızaǵaı oınaıdy. Batystan, ońtústik-batystan soǵatyn jeldiń ekpini 15-20 m/s.
Kúndiz Batys Qazaqstan oblysynyń batysynda, ońtústiginde jáne shyǵysynda naızaǵaı oınaıdy. Batysta jáne soltústikte túnde jáne tańerteń tuman túsedi. Jeldiń ekpini 15-20 m/s. Oralda túnde jáne tańerteń tuman túsedi.
Kúndiz Atyraý oblysynyń batysynda ótkinshi jańbyr, burshaq jaýýy múmkin. Batysta, ońtústikte jáne shyǵysta túnde jáne kúndiz naızaǵaı oınaıdy. Jeldiń ekpini 15-20 m/s. Atyraýda tańerteń jáne kúndiz naızaǵaı oınaıdy.
Mańǵystaý oblysynyń batysynda, soltústiginde jáne ońtústiginde naızaǵaı oınaıdy. Soltústik-batysta tuman túsedi. Soltústik-shyǵystan soǵatyn jel soltústik-batysqa aýysady, kúndiz soltústikte jeldiń jyldamdyǵy 15-20 m/s. Soltústik-shyǵys pen shyǵysta joǵary órt saqtalady.
Shyǵys Qazaqstan oblysynda túnde jáne tańerteń soltústik pen shyǵysta tuman túsedi. Ońtústik-shyǵystan 9-14 m/s jel soǵady. Aýa temperatýrasy túnde 2-7 gradýs jyly, oblystyń shyǵysynda 3 gradýs aıaz, kúndiz 21-26, oblystyń shyǵysynda 10-15 gradýs jyly.
О́skemende 26 sáýir kúni saǵat 08:00-ge deıin kútiletin qolaısyz aýa raıyna baılanysty ekinshi dárejeli qolaısyz meteorologııalyq jaǵdaı týraly eskertý kúshinde qalady.
Almaty oblysynyń taýly aımaqtarynda kúndiz naızaǵaı oınaıdy. Kúndiz taýly aımaqtarda shyǵys, ońtústik-shyǵystan jel soǵady, ekpini 15-20 m/s.
Jetisý oblysynyń taýly aımaqtarynda kúndiz naızaǵaı oınaıdy. Shyǵystan soǵatyn jeldiń ekpini 15-20 m/s.
Jambyl oblysynyń taýly aımaqtarynda kúndiz naızaǵaı oınaıdy. Taýly aımaqtarda tuman túsedi. Soltústik-shyǵystan soǵatyn jel ońtústik-batysqa soǵady, soltústik-shyǵysta, taýly aımaqtarda ekpini 15-20 m/s.
Kúndiz Qyzylorda oblysynyń batysynda, soltústiginde jáne ortalyǵynda naızaǵaı oınaıdy. Kúndiz soltústikte, ortalyqta shańdy daýyl soǵady. Ońtústikten jel soǵady, kúndiz soltústikte, ortalyqta 15-20, ekpini 23 m/s. Oblysta jáne Qyzylorda qalasynda órt qaýpi joǵary bolady. Qyzylordada kúndiz shańdy daýyl turady. Kúndiz ońtústikten jel soǵady, ekpini 15-20 m/s.
Túrkistan oblysynda ońtústik, ońtústik-batystan soǵatyn jeldiń ekpini kúndiz taý asýlarynda 15-20 m/s bolady. Batysta, shóleıt aımaqtarda órt qaýpi joǵary deńgeıde saqtalady. Túrkistan qalasynda joǵary órt qaýpi saqtalady.