Kendirli áýejaıynyń qurylys barysyn kólik mınıstri Marat Qarabaev tekserdi. Qazir qurylys jumystary eki aýysymda atqarylyp jatyr.
"Merdiger mekeme jer jumystary men qazanshuńqyr qazý jumystaryn atqarýda. Qurylysqa 60 birlik arnaıy tehnıka men 80 maman jumyldyryldy. Kendirli úlken týrıstik áleýetke ıe. Atyraý, Aqtóbe, Oral, Almaty, Astanaǵa bes ishki avıareısti, sondaı-aq kórshi memleketterge birqatar halyqaralyq avıareısterdi ashý máselesin pysyqtap jatyrmyz",- dep atap ótti Marat Qarabaev.
Esterińizge sala keteıik, joba aıasynda 2200 metrlik ushý-qoný jolaǵyn salý kózdelgen. Áýejaıdyń ótkizý qabileti saǵatyna 150 jolaýshyny quraıdy.
Sondaı-aq bıyl Aqtaý áýejaıynyń ushý-qoný jolaǵyn jóndeý jumystary aıaqtalady. Bul ishki jáne halyqaralyq reıster sanyn kóbeıtýge septigin tıgizbek.