Esil ózeniniń sý deńgeıiniń kóterilýine baılanysty Soltústik Qazaqstan oblysynda qorǵanys biligin nyǵaıtý jumystary jasalyp jatyr, dep jazady Egemen.kz.
Turǵyn úılerdi sý basý qaýpin boldyrmaý úshin, tasqynǵa qarsy qorǵanysty kúsheıtý jumystary, naqty ataǵanda SQO-nyń Qyzyljar aýdanynyń Teplıchnoe, Vagýlıno, Prıbrejnoe, Olshanka, Sokolovka, Bolshaıa Malyshka aýyldarynda júrgizilip jatyr. Al Petropavl qalasynyń Zarechnoe aýylynda sý aıdaý jumystary júrgizilip, táýligine 65 500 tekshe metr sý alynyp otyr.
Monıtorıng júrgizý qolǵa alynǵan, evakýasııalyq beketter daıyndalǵan, jaǵdaı – Tótenshe jaǵdaılar mınıstrliginiń baqylaýynda tur.
«Barlyǵy 2010 adam, 152 birlik tehnıkasy TJM , IIM, QM, JAO jáne TJM Áskerı bólimderi jumyldyryldy. Táýligine 81 300, al barlyǵy 351 675 qapshyq daıyndalyp, tóseldi», dep habarlady TJM-niń baspasóz qyzmeti.