18 jasqa tolmaǵan jetkinshekterge áleýmettik jelini paıdalanýǵa jas shekteýin engizý usynyldy. Májilis depýtaty Jarqynbek Amantaıuly arnaıy zań jobasyn ázirleý qajettigin alǵa tartty, dep habarlaıdy Egemen.kz.
Depýtat Premer-mınıstrdiń birinshi orynbasary Roman Sklıar men vıse-premer Ermek Kósherbaevqa saýal joldap, balalardyń ınternetke táýeldiligi máselesin kóterdi. Onyń aıtýynsha, elimizdegi balalardyń 88%-ynda jeke smartfon bar, al 28%-y bos ýaqytyn túgeldeı gadjette ótkizedi.
Amantaıuly shetel tájirıbesin mysalǵa keltirip, Qytaı, Fransııa, Ońtústik Koreıa sekildi elderde balalardyń smartfon qoldanýyna shekteýler engizilgenin atap ótti.
Osyǵan baılanysty depýtat arnaıy vedomstvoaralyq top quryp, áleýmettik jeliler men onlaın oıyndar boıynsha jas shekteýlerin ázirleýdi usyndy. Sonymen qatar ata-analardyń balalarynyń ınternettegi is-áreketin baqylaýǵa múmkindik beretin memlekettik baqylaý júıesin qurý qajettigin aıtty.
Aıta keteıik, buǵan deıin Májilis depýtaty Janarbek Áshimjan da TikTok-taǵy zııandy kontentterge shekteý qoıýdy usynǵan bolatyn.