Búgin Úkimet otyrysynda «Aýylda densaýlyq saqtaýdy jańǵyrtý» ulttyq jobasynyń iske asyrylý barysy talqylandy, dep jazady Egemen.kz.
Densaýlyq saqtaý mınıstri Aqmaral Álnazarova «Aýylda densaýlyq saqtaýdy jańǵyrtý» ulttyq jobasynyń mindetteriniń biri aýyl turǵyndaryna shuǵyl medısınalyq kómek kórsetýdi qamtamasyz etý ekenin aıtty.
Bul mindetti júzege asyrý maqsatynda zamanaýı 32 kópsalaly ortalyq aýdandyq aýrýhanany (KOAA) paıdalanýǵa berý kózdelip otyr.
«Qazir 6 aýrýhananyń qurylys jumystary aıaqtaldy. 2025 jyldyń sońyna deıin taǵy 12 kópsalaly ortalyq aýdandyq aýrýhanany paıdalanýǵa berý josparlanǵan. Oǵan 98 medısına qyzmetkerlerin daıarlap jiberý qarastyrylyp jatyr. Qalǵan 14 nysannyń qurylys jumystary 2026 jyldyń sońyna deıin aıaqtalady», dedi mınıstr.