Elbasy Nursultan Nazarbaev Qytaı Halyq Respýblıkasynyń Tóraǵasy Sı Szınpınge Beıjiń qalasynyń 2022 jylǵy qysqy Olımpııa oıyndarynyń astanasy bolyp tańdalýyna baılanysty quttyqtaý jedelhatyn joldady, dep habarlady Qazaqstan Prezıdentiniń baspasóz qyzmeti.
Memleket basshysy Sı Szınpındi Beıjińniń 2022 jylǵy qysqy Olımpııa oıyndaryn ótkizý quqyǵyna ıe bolýyna baılanysty shyn júrekten quttyqtady.
«Bul oqıǵa jańa Qytaıdyń zor múmkindikterin álemge taǵy da pash etti. Qytaı tarapynyń Olımpııa oıyndaryn joǵary deńgeıde uıymdastyryp, halyqtar dostyǵy men beıbitshilikti dáripteıtin olımpıadalyq dástúrdi odan ári nyǵaıtýǵa úles qosatynyna kámil senemin», – dep atap ótilgen quttyqtaýda.
Nursultan Nazarbaev, sondaı-aq, QHR Tóraǵasyna qysqy Olımpıadany tabysty ótkizýge, al dostas Qytaı halqynyń baq-berekesi artyp, ósip-órkendeı berýine tilektestik bildirdi.