Olar eki qalada uzaq ýaqyt boıy stýdentterge qoqan-loqqy kórsetken, dep habarlaıdy Egemen.kz.
Pavlodar oblysy polısııa departamentiniń jedel ýákilderi eki qalada uzaq ýaqyt boıy joǵary oqý oryndary men kolledj stýdentteri arasynda bopsalaýmen aınalysqan margınaldy jastar arasynan eki adamdy ustaý boıynsha sátti operasııa júrgizdi.
Bul adamdar jas jigitterge qatysty fızıkalyq kúsh qoldanyp, olardan aqsha qarajatyn, taýarlyq jáne aqshalaı nesıe berýdi talap etken. Aldyn ala málimetter boıynsha, ustalǵandar bopsalaýǵa baılanysty 10-nan astam quqyqbuzýshylyq jasaǵan. Bul olardyń júıeli túrde qylmysqa qatysy bar ekenin rastaıdy.
UQKB qyzmetkerleri birqatar is-shara ótkizip, qaskúnemderdiń kinásin dáleldeýge jáne olardy ustaýǵa múmkindik beretin dálelder jınaldy.
– Polısııa óńirdegi stýdentter men jastardyń qaýipsizdigin qamtamasyz etý boıynsha belsendi jumys júrgizýdi jalǵastyrýda. Bul operasııa qylmysqa qarsy kúreste jáne azamattardyń quqyqtaryn qorǵaýda bizdiń ustanymymyzdyń jarqyn mysaly bolyp tabylady, – dep atap ótti Pavlodar oblysy polısııa departamenti uıymdasqan qylmysqa qarsy kúres basqarmasynyń bastyǵy Ǵabıt Qabdrahmanov.
Polısııa departamenti azamattardy saq bolýǵa, bopsalaý jáne basqa da quqyq buzýshylyqtar týraly habarlaýǵa shaqyrady.