Aýdanda aýla abattandyryldy

Úsh aýlada da balalar oıyn alańdary jańaryp, dene shy­nyqtyrýǵa taptyrmaıtyn workout oryndary saılandy. Tur­ǵyndardyń demalýyna jaıly aımaqtardyń ajary kirip, aýla­lar túgel jaryq­tan­dyryldy. «Baıqońyr» aýda­nynda barlyǵy 249 aýla bar bolsa, byltyr osynyń ishinde 132 aýlanyń aýmaǵy abattandyrylypty. Onyń 60-y keshendi abattan­dyrý bolsa, 72-si jóndeý-qal­pyna keltirý jumystary eken. Aýdan ákimdigi ár aýlany abat­tandyrýǵa kirispes buryn turǵyn úıdiń aýmaǵyn, eresekt­erdiń, balalardyń úlesin bárin-bárin naqtylap alǵan. Sosyn baryp turǵyndardyń óti­nishi, usynysy negizinde kerek-jaraǵyn túgendegen. Iаǵnı aýla turǵyndary aıt­qan oıyn alańshalaryn, dene shy­nyqtyrýǵa qolaıly jab­dyqtardy ornatyp bergen.

Biz mereke qarsańynda sal­tanatty túrde ashylyp, paı­dalanýǵa berilgen Respýblıka dańǵyly №30 úıdiń aýlasyna bardyq. Úı turǵyndary, oıyn balalary aýlaǵa shyǵyp, shat-shadyman kóńil-kúıde. Ne­mere-shóberelerin ertip júr­gen Gúlbarshyn Orazbaeva kóp­ten kútken aýlanyń qaıta jańǵyrǵanyna dán rıza.

– Osy úıdiń birinshi podezi-nen úı satyp alǵanymyzǵa 4 jyl­dan asyp barady. Sol jyldary úı­diń aýlasy, kireberisi, shatyry bári-bári eski edi. Endi, mine, páter ıeleri kooperatıviniń tóraǵasy Dıana bastap, úıdiń jyrtyǵyn jamap-jasqap jatyrmyz. Jertóleden bastap úıdiń shatyryna deıin jóndep aldyq. Aýlamyz adam kórgisiz edi. Ony da birer aptanyń ishin­de jóndep berdi. Endi ne­mere-shóberelerimiz kelse, ózge aýlaǵa sendelmeı, osynda qarap otyratyn boldyq. О́zimniń 11 shóberem bar. Aýlamyz biz sekildi qarııalardyń da az-kem tynyǵyp alǵanyna jaıly eken, – deıdi Gúlbarshyn ájeı.

Aýla mańynda turǵyndardyń basyn qosyp, Respýblıka dań­ǵyly №30 úıdiń tóńiregin jańar­týǵa bastamashy bolyp júr­gen páter ıeleri koope­ra­tıviniń tóraǵasy Dıa­na Ydy­rysovanyń ózin jolyq­tyrdyq.

– Búgin aýla turǵyndary úshin aıtýly kún. О́ıtkeni kópten kútken balalarǵa arnalǵan oıyn alańshasy ashylyp jatyr. Endi aýlamyz qaýipsiz ári balalarǵa da eresekterge de jaıly orynǵa aınaldy. Byltyr «Baıqońyr» aýdanynyń ákimdigine tozyǵy jetken aýlamyzdy abattandyrý týraly ótinish qaldyrǵan edik. Kóp uzamaı ákimdik bizdiń aýlany da josparǵa engizdi. Osy úıdiń turǵyny retinde ótinishimizge nazar aýdarǵan aýdan ákimdigine alǵys aıtqym keledi. Birlesip iske asyrǵan jumystyń arqasynda úıdiń aýla­sy jańaryp qaldy,– deıdi úı turǵyny Dıana.

Aýdan ákimdiginiń habar­laýyn­sha, abattandyrý jumys­tary aýdannyń basqa da aýmaq­tarynda qyzý júrip jatyr. Bıyl aýdanda bas-aıaǵy 88 aýla­nyń aýmaǵyn abattandyrý jos­parlanypty. Onyń 18-i keshendi abattandyrylsa, 70-inde jóndeý-qalpyna keltirý jumystary bastalady eken. Bul jóninde «Baıqońyr» aýdany ákimdiginiń abattandyrý bóliminiń basshysy Rahat Dýlat­ulynan tolǵyraq surap-bilýge tyrystyq.

– Bıyl «Baıqońyr» aýdanynda 88 aýlany abattandyramyz dep josparladyq. Onyń ishinde 18 aýla tolyǵymen jańarady. Iаǵnı kúrdeli jóndeýden ótedi. Qalǵan 70 aýlany tolyq ja­ńartpasaq ta, ishinara joǵyn tú­gendeımiz. Mereke qarsańynda Respýblıka dańǵylynan bólek, Abaı kóshesi №28, №30 úılerdiń de aýlasy qaıta ashylyp jatyr. Respýblıka dańǵyly №30 úıdiń aýlasy jóndeýden ótpe­genine 10 jyldan asypty. Eskiniń barlyǵyn jańarttyq. Ere­sekterdiń de sportpen sh­uǵyl­danýyna múmkindik jasadyq. Asfaltty qaıta tósedik. Osy­nyń barlyǵyn jumysshylar 20 kúnde tyndyrdy. Byltyr osy úıdiń mańyndaǵy №28-úıdiń de aýlasyn jańartqan edik. Sonda kórshi úıdiń turǵyndary da aýlasyn abattandyrýǵa óti­nish qaldyrǵan. Endi bıyl sol turǵyndardyń da ótinishi oryndalyp otyr, – deıdi R.Dýlatuly.

Osy kúni aýlanyń ashylý saltanatyna qatysqan «Baıqońyr» aýdanynyń ákimi Talǵat Rah­manberdi turǵyndardyń alǵy­syn estip, talap-tilegin tyń­dady. Balalar aýdan ákimdigi uıym­das­tyrǵan oıyn-saýyq baǵ­dar­lamaǵa qatyssa, turǵyndar aýlaǵa ózderi shaǵyn dastarqan jaıyp, balalardy taǵy bir qýantty.