QOSTANAI. 12 aqpan. Qostanaı qalasyndaǵy mektepterde dinı ekstremızm men terrorızmge qarsy sharalar jóninde sabaqtar ótti. Bul týraly egemen.kz tilshisi habarlady.
Sabaqtardy dinı ekstremızm men terrorızmge qarsy sharalar jónindegi 2013-2017 jyldarǵa arnalǵan memlekettik baǵdarlama sheńberinde Tótenshe jaǵdaılar jónindegi basqarma jáne órt bólimsheleri qyzmetkerleri uıymdastyrdy. Olar oqýshylarǵa «Oqý korpýsynda terrorlyq áreket bolý qaýpi týǵan jaǵdaıda oqýshylar ne isteý kerektigi» týraly áńgimelep berdi. Sabaqtyń maqsaty – kepildikke alǵan adamdar ózin qalaı ustaýy tıis, jarylǵysh zatqa uqsaıtyn zat tabylǵanda onyń aınalaǵa zalaly tımeý úshin ne isteý kerektigin úıretý. Mamandar kútpegen jaǵdaıda oqýshylarǵa psıhologııalyq jaǵynan ustamdy bolý, saspaý kerektigin túsindirdi. Halyqaralyq terrorızm, terrorlyq áreketterdiń túrleri, jarylǵysh zattar qoıylǵany jónindegi jalǵan aqparattar taratqany úshin qylmystyq jaýapkershilik pen aıyppul týraly túsinik berdi. Oqýshylar terrorlyq áreketter men onyń beıbit turǵyndarǵa keltirgen zardaptary jóninde vıdeorolık qarady. Sonymen qatar oqýshylar mektepte jáne úıde órt qaýipsizdigi sharalaryn saqtaý jóninde de dáris tyńdady. Mundaı sabaqtar oblys ortalyǵyndaǵy 25 mektepte ótti.
Názıra Járimbetova.
Derek, sýret: egemen.kz.