2023–2024 jyldary «Azamattarǵa arnalǵan úkimet» memlekettik korporasııasynyń №2 mamandandyrylǵan HQKO basshysy J.R. Mýrashımov jáne birqatar laýazymdy tulǵalar teorııalyq jáne praktıkalyq emtıhandardan ótpeı-aq júrgizýshi kýáligin berý shemasyn uıymdastyrǵan. Bul qyzmettiń «quny» 150 myńnan 400 myń teńgege deıin jetken, dep habarlaıdy Egemen.kz.
Qarjylyq monıtorıng agenttiginiń málimetinshe, 500-den astam adam zańsyz jolmen júrgizýshi kýáligin alǵan.
«Qazirgi tańda tergeý aıasynda 200 mln teńgeden astam somaǵa baǵalanǵan kúdiktilerdiń múlkine - 2 jeke úı, 2 páter, 2 jer telimi jáne 10 avtokólikke tárkileý maqsatynda tyıym salyndy. Sottyń sanksııasymen 12 kúdiktige qatysty qamaýǵa alý túrindegi bultartpaý sharasy qoldanyldy», delingen habarlamada.
Qylmystyq is boıynsha tergeý jumystary júrgizilip jatyr.