Dzıýdodan Qazaqstan áıelder quramasynyń kóshbasshysy Ábıba Ábýjaqynova Dýshanbede (Tájikstan) ótip jatqan Grand Slam týrnıriniń qola júldegeri atandy, dep habarlaıdy Egemen.kz.
Dzıýdoshy 48 kelige deıingi salmaq dárejesinde sátti óner kórsetti. Ábýjaqynova jartylaı fınalǵa deıin jetip, Qytaı sportshysy Venne Chjýanǵa jol berdi.
Úshinshi oryn úshin ótken beldesýde ol ózbekstandyq Ýlbýsın Hakımovamen kezdesip, tıimdi ádis arqyly kezdesýdi merziminen buryn aıaqtap jeńiske jetti.
Osylaısha, Qazaqstan quramasy birinshi jarys kúnin bir medalmen aıaqtady.