Ulybrıtanııada «Tıtanık» apatynan aman qalǵan jolaýshynyń haty bás saýdaǵa shyǵarylyp, 400 myń dollarǵa satyldy.
Polkovnık Archıbald Greıs bul hatty 1912 jyldyń 10 sáýirinde laınerge mingen kúni jazǵan. Jolaýshy jazbalarynda keme týraly alǵashqy áserimen bólisken kórinedi. Tarıhı qujat bastapqyda 60 000 fýnt sterlıngke baǵalanǵan edi, biraq qundy jazba áýelgi baǵasynan 5 ese qymbatqa saýdalandy. Sarapshylardyń aıtýynsha, «Tıtanık» týraly jazylǵan hattardyń arasynda munshalyq qomaqty aqshaǵa satylǵany buryn-sońdy bolmaǵan.