Qytaıdyń Tıanszın qalasynda jýyrda bolǵan 2-shi halyqaralyq konkýrs-festıvalde Petropavldyń «Sensitive» bı teatrynyń artısteri taǵy da úzdik shyqty. Konkýrsqa Qytaı, Chehııa, Mońǵolııa, Bolgarııa, Reseı elderinen 700-den artyq óner ujymdary qatysqan. Solardyń arasynda Qazaqstannan barǵan jalǵyz ujym osyndaı jetistikke qol jetkizdi, dep habarlaıdy Egemen.kz.
«Sensitive» týraly «Egemenge» buryn birneshe ret jazǵanbyz. Teatr quramyndaǵy ónerpazdardyń estý qabileti kem jandar. Petropavlda osyndaı jandardy oqytatyn mektep-ınternat bar, ónerpazdar sol mekteptiń túlekteri. Olar buryn da birneshe halyqaralyq konkýrstarǵa qatysyp, jeńimpaz bolǵan.
Teatrdyń jetekshisi Olga Rostovshıkova byltyr «Qurmet» ordenimen marapattalǵan. Osy konkýrsta onyń qoıylymyndaǵy «Amanat» bıi «Halyqtyq stıl» nomınasııasy boıynsha bas báıgeni aldy. Mýzykany qulaǵymen emes denesimen sezinetin, júregimen estıtin jandar basqa eki Gran-prıdi de onyń basqarýymen ıelendi.
Petropavl