Qazaqstandaǵy qarjy naryǵyn retteý jáne damytý agenttiginiń málimdeýinshe el azamattaryna berilgen kredıtter sany ósken, dep habarlaıdy Egemen.kz.
2025 jylǵy naýryzda qazaqstandyqtarǵa berilgen kredıtter sany 1,3% -ǵa ulǵaıyp, 21,4 mln teńgeni quraǵan. Mundaı ósim tutynýshylyq qaryzdardyń 1,9% -ǵa, 14,4 trln teńgege deıin ulǵaıýymen túsindiriledi.
Naýryzda halyqqa teńgemen berilgen kredıtter boıynsha ortasha alynǵan syıaqy mólsherlemesi tutynýshylyq qaryzdar boıynsha mólsherlemeniń 19,1% -dan 20,4% -ǵa deıin artýyna baılanysty 19,7% -ǵa deıin ósken (2025 jylǵy aqpanda - 18,6%).
Bankterdiń nesıe qorjynynyń sapasy joǵary bolyp qalyp otyr. 1 sáýirge kredıttik portfeldiń jalpy kólemindegi 90 kúnnen astam merzimi ótken kredıtterdiń úlesi shamaly ulǵaıyp, 3,4% qurady. Aqpan aıynda bul kórsetkish 3,3% boldy.
Halyqtyń nesıeleri boıynsha NPL90 + qaryzdarynyń úlesi 4,2% nemese 894 mlrd teńgeni, bıznes nesıeleri boıynsha 2,3% nemese 338 mlrd teńgeni qurady. Merzimi ótken bereshegi 90 kúnnen astam kredıtterdi provızııalarmen jabý deńgeıi 67,1% qurady, bul rette 1 qańtardaǵy kórsetkish 67,0% boldy.
Sondaı-aq, agenttikte bankterdiń taza paıdasy óskenin atap ótti. 2025 jylǵy qańtar-naýryz aralyǵyndaǵy kezeńde bankterdiń taza paıdasy 664 mlrd teńgeni qurady, bul ótken jyldyń sáıkes kezeńimen salystyrǵanda 16,6% -ǵa artyq.