Ulytaý oblysynyń ákimi Dastan Ryspekov Ulytaý aýdanyna jumys saparymen baryp, jergilikti halyqpen kezdesti. Aýdan turǵyndaryn jeke qabyldap, ózekti máseleni kótergen ótinishin tyńdadY, dep jazady Egemen.kz.
Kezdesýde turǵyn úı alý kezegi, jol jáne kópir ınfraqurylymyn jóndeý, jaryqpen qamtamasyz etý máseleleri kóterildi. Oblys ákimi árbir ótinish jeke baqylaýǵa alynatynyn aıtyp, tıisti sala basshylaryna naqty tapsyrmalar júktedi.
Oblys basshysy Ulytaý aýdanyndaǵy áleýmettik osal toptaǵy 10 otbasyǵa jańa páter kiltin tapsyrdy.
Sonymen qatar, «Samǵa» JShS dırektory Abaı Bolatuly kópbalaly anaǵa qosymsha úsh bólmeli páter syıǵa tartty. Oblys ákimi demeýshilik jasaǵan kásipkerge alǵys aıtty.
Dastan Ryspekov kezdesýde aýdanǵa bilikti kadrlardy tartý jumystaryn jalǵastyryp, jas mamandardy turǵyn úımen qamtamasyz etý jaǵyn jedeldetý qajettigin tapsyrdy.
Jumys saparynda óńir basshysy «Taza Qazaqstan» respýblıkalyq ekologııalyq aksııasyna qatysyp, Tańbaly tas saıabaǵyna jáne jeke kásipker salǵan ormanshylyq alqabynda shyrsha kóshetterin otyrǵyzdy.