Búgin Sara Alpysqyzy Nazarbaevanyń aýrýhanaǵa jatqyzylǵany belgili boldy. Bul aqparatty «Qazaqstan jetimder úıleri túlekteri qaýymdastyǵy» ZTB prezıdenti Rafael Gasanov rastady, dep habarlaıdy Egemen.kz.
«Menen Sara Alpysqyzynyń syrqattanǵany ras pa dep suraıdy. Iá, ókinishke qaraı, bul – shyndyq» dep jazdy ol.
Eske salaıyq, Qazaqstannyń Tuńǵysh Prezıdenti Nursultan Nazarbaevtyń jary Sara Nazarbaeva uzaq jyldar boıy qaıyrymdylyqpen jáne bilim berý salasymen aınalysyp, izgi pedagogıka, ınklıýzııa jáne rýhanı-adamgershilik tárbıe ıdeıalaryn ilgeriletti. 1997 jyly bala jáne otbasy máselelerin damytýǵa qosqan úlesi úshin IýNESKO-nyń halyqaralyq syılyǵyna ıe bolǵan. «Bóbek» halyqaralyq balalar qaıyrymdylyq qoryn jáne «SOS – Qazaqstannyń balalar aýyldary» qoryn qurǵan.
Sara Alpysqyzy 5 mamyrda Almatydaǵy aýrýhanalardyń birine aýyr halde túsken.