Ulttyq mektep lıgasy – Qazaqstandaǵy balalar arasyndaǵy eń iri sporttyq joba. Búgin Astanada 7–8 synyp oqýshylaryna arnalǵan osy jobanyń respýblıkalyq fınaly bastaldy. Qorytyndy kezeńge irikteý kezeńinen úzdik shyqqan 5000-nan astam oqýshy qatysyp jatyr, dep jazady Egemen.kz.
Sport súıer oqýshylar mektep baǵdarlamasyna engizilgen 10 sport túri: toǵyzqumalaq, shahmat, jeńil atletıkalyq kross, «Bylǵary dop» fýtboly, ústel tennısi, «Shubar dop» voleıboly, «Altyn dop» basketboly, asyq atý (uldar úshin), bes asyq (qyzdar úshin) jáne «Ushqyr dop» gandboly boıynsha júldege talasady.
«Bıyl jarystar alǵash ret respýblıkalyq deńgeıdegi kásibı sport keshenderinde ótip jatyr. Oıyndarǵa tıisti sport federasııalarynan shaqyrylǵan tóreshiler tórelik etedi.
Lıga tórt kezeńnen turady: mektepishilik, aýdandyq/qalalyq, oblystyq jáne respýblıkalyq fınal. Qatysý sharty – komanda tek bir mekteptiń oqýshylarynan quralýy tıis. Sport mektepteri, ınternattar men akademııa komandalary jarysqa qatystyrylmaıdy. Bul Lıganyń ádil ári barlyq oqýshy úshin qoljetimdi bolýyn qamtamasyz etedi», delingen Oqý-aǵartý mınıstrliginiń habarlamasynda.
Oqý jyly boıy bul Lıgaǵa qalalar men aýyldardan barlyǵy 3,5 mıllıonnan astam oqýshy qatysty.