Astana qalasynyń Kólik jáne jol-kólik ınfraqurylymyn damytý basqarmasy Shyńǵys Aıtmatov kóshesinen E-128 kóshesine deıingi aralyqta Qorǵaljyn tas jolynda ortasha jóndeý jumystary júrgiziletinin málimdedi, dep habarlaıdy Egemen.kz.
Qala ákimdiginiń habarlaýynsha, jóndeý jumystary 5-14 mamyr aralyǵynda júrgiziledi. Osy kezeńde jol ýchaskesi ishinara jabylyp, qozǵalys tek joldyń bir jaǵy boıynsha eki baǵytta uıymdastyrylady.
«Júrgizýshiler men jaıaý júrginshilerden marshrýttaryn aldyn ala josparlap, ýaqytsha qozǵalys syzbasyn eskerýleri suralady. Qolaısyzdyqty azaıtý jáne qaýipsizdikti qamtamasyz etý maqsatynda jol boıynda ýaqytsha belgiler men baǵyttaýshy kórsetkishter ornatylady», delingen habarlamada.