Senat spıkeri Máýlen Áshimbaevtyń tóraǵalyǵymen bıýro ótti. Onda depýtattar 8 mamyrdaǵy Senat otyrysynyń kún tártibin belgiledi.
Máýlen Áshimbaev atap ótkendeı, palatanyń qaraýyna jańa Salyq kodeksi kelip tústi. Osyǵan baılanysty Senat tóraǵasy qujatty ashyq talqylaý jáne ony qaraýǵa máslıhat depýtattaryn, sarapshylar men bıznes-qoǵamdastyq ókilderin belsendi jumyldyrý mańyzdy ekenin aıtty.
«Jańa Salyq kodeksi Prezıdent Qasym-Jomart Toqaevtyń tikeleı tapsyrmasymen ázirlendi. Qujat ádilettilik, ashyqtyq jáne tıimdilik qaǵıdattaryna negizdelgen jańa salyq mádenıetin qalyptastyrýdy kózdeıdi. Senatorlar kodeksti daıyndaý jumystaryn aldyn ala júrgizip, Úkimetke tıisti usynystar jiberdi. Endi jańa Salyq kodeksiniń normalaryn jan-jaqty qarastyryp, máslıhat depýtattaryn, sarapshylar men bıznes-qoǵamdastyq ókilderin tarta otyryp, ashyq formatta syndarly talqylaýlar júrgizý qajet», dedi M.Áshimbaev.
Sonymen qatar bıýro músheleri aldaǵy beısenbide ótetin palata otyrysynda «2007 jylǵy 26 maýsymdaǵy Qazaqstan Respýblıkasynyń Úkimeti men Azııadaǵy ózara is-qımyl jáne senim sharalary jónindegi keńestiń AО́SShK Hatshylyǵy arasyndaǵy Hatshylyqtyń QR aýmaǵynda bolýy sharttary týraly kelisimge ózgerister engizý týraly hattamany ratıfıkasııalaý týraly» zańdy qaraý jóninde qaýly qabyldady. Bul qujat Memleket basshysynyń AО́SShK-ni tolyqqandy halyqaralyq uıymǵa aınaldyrý týraly tapsyrmasyn iske asyrý maqsatymen ázirlendi.
Depýtattar Senat otyrysynda «Qazaqstan Respýblıkasynyń Úkimeti men AQSh Úkimeti arasyndaǵy Almaty qalasynda AQSh konsýldyq mekemesiniń úı-jaılaryn salý úshin AQSh Úkimetine jer ýchaskesin jalǵa berý týraly kelisimdi ratıfıkasııalaý týraly» zańdy da qaraıdy.
Buǵan qosa «Túrkitildes memleketterdiń yntymaqtastyq keńesin qurý týraly Nahchyvan kelisimine ózgerister engizý týraly hattamany ratıfıkasııalaý týraly» jáne «Qazaqstan Respýblıkasynyń Úkimeti men Birikken Arab Ámirlikteriniń Úkimeti arasyndaǵy jel elektr stansasynyń jobasyn iske asyrý týraly kelisimdi ratıfıkasııalaý týraly» zańdar da palata otyrysynyń kún tártibine shyǵaryldy.
Sondaı-aq is-shara barysynda senatorlar osy aptada ótkiziletin komıtet otyrystarynda qozǵalatyn máselelerdi pysyqtady jáne buǵan deıin Májilis qabyldaǵan zańdardy bóldi.