1 qyrkúıekten bastap tehnıkalyq jáne kásiptik bilim berý uıymdaryna arnalǵan jan basyna shaqqandaǵy qarjylandyrý kólemi 2 ese artady, dep jazady Egemen.kz.
Qazir bir stýdentti oqytýǵa bólinetin ortasha qarajat kólemi 437 myń teńgeni quraıdy. 1 qyrkúıekten bastap ol orta eseppen 912 myń teńge kóleminde bolady.
«Jańa qarjylandyrý normatıvi negizgi jáne yntalandyrýshy tólem bólikterinen turady. Yntalandyrýshy tólemder naqty kórsetkishterge qol jetkizgen kolledjderge beriledi. Bul jańa qarjylandyrý júıesi básekege qabiletti mamandardy daıarlaýǵa, bilim berý uıymdaryn zamanaýı materıaldyq-tehnıkalyq jabdyqtarmen qamtamasyz etýge, pedagogterdiń biliktiligin arttyrý kýrstaryn uıymdastyrýǵa múmkindik beredi», delingen Oqý-aǵartý mınıstrliginiń habarlamasynda.
Sonymen qatar, kolledjderdiń oqý-óndiristik sheberhanalarynda óndirilgen ónimdi satylymǵa shyǵarý mehanızmi qarastyrylyp jatyr. О́ndiristen túsken tabys bilim berý uıymdaryn damytýǵa baǵyttalady dep josparlanyp otyr.