Qazaqstan Respýblıkasy Parlamenti Senatynyń Tóraǵasy Máýlen Áshimbaev qazaqstandyqtardy Otan qorǵaýshy kúnimen quttyqtady. Ol bul merekeniń eldik pen erlikti ulyqtaıtyn, patrıottyq rýhty arttyratyn erekshe kún ekenin atap ótti, dep habarlaıdy Egemen.kz.
«Otan qorǵaý – er enshisi» degen halyq danalyǵyn keltire otyryp, Áshimbaev elimizdiń keń baıtaq jeriniń qaýipsizdigin qamtamasyz etip júrgen áskerı qyzmetshilerdiń batyrlyq dástúrdi laıyqty jalǵastyryp kele jatqanyn aıtty. Onyń aıtýynsha, Memleket basshysy Qasym-Jomart Toqaevtyń sózimen aıtqanda, búgingi Qazaqstan áskeri – batyr babalar jolyn jalǵaýshy, el qorǵany bola bilgen kúsh.
«Qýatty armııamyz – táýelsiz Qazaqstannyń berik qalqany jáne myzǵymas memlekettiliktiń myǵym tiregi. Aldaǵy ýaqytta da qorǵanysymyz kúsheıip, áskerimizdiń aıbyny asqaqtaı bersin!Otanshyldyq sezimdi arttyra túsetin merekemen quttyqtaı otyryp, barshańyzǵa baq-bereke tileımin! Elimizdiń irgesi árdaıym berik bolsyn!», delingen quttyqtaýda.
Senat tóraǵasy barsha azamattarǵa Otanshyldyq rýh syılaıtyn mereke qarsańynda beıbit ómir, baq-bereke jáne elimizdiń irgesiniń árdaıym berik bolýyn tiledi.