Jańǵyrtý jumystary ákimdik ǵımaratynyń Shyǵys jáne Batys betkeılerindegi, Respýblıka alańyndaǵy jáne Ǵabıt Músirepov atyndaǵy teatr janyndaǵy sýburqaqtardy qamtıdy. Bul týraly qala ákimi Erbolat Dosaevtyń 2025 jylǵy 1–30 sáýir aralyǵynda Memleket basshysy Qasym-Jomart Toqaevtyń tapsyrmalaryn oryndaý jónindegi esebinde aıtyldy, dep habarlaıdy Egemen.kz qala ákimdiginiń baspasóz qyzmetine silteme jasap.
2025 jyldyń 15 sáýirinde jalpy somasy 5,6 mıllıard teńgeni quraıtyn kelisimshart jasalyp, tórt sýburqaq keshenin jańǵyrtý bastaldy.
Ákimniń baıandamasynda Saıran kólin abattandyrý jáne Almatydaǵy qoǵamdyq keńistikterdi damytý barysy da qamtylǵan.
Búginde Saıran kóliniń mańaıyndaǵy jumystardyń 90 paıyzy aıaqtalǵan. Joba aıasynda Germanııadaǵy «Lorberg» pıtomnıginen ákelingen, bıiktigi 6 metrden asatyn 200 iri aǵash pen 3 300-den astam buta otyrǵyzyldy.
Sonymen qatar, qoǵamdyq keńistikti keńeıtý maqsatynda Nazarbaev dańǵyly men Gandı kóshesiniń qıylysynda jańa skver salynyp jatyr. Munda bıiktigi 6 metrden joǵary 50 aǵash otyrǵyzylǵan. Qazir bul aýmaqta sý rezervýary ázirlenip, ınjenerlik jeliler tartylýda.