Jeńistiń 80 jyldyǵy qarsańynda Almaty oblysynyń ákimi Marat Sultanǵazıev soǵys ardagerleri Táńirbergen Tolǵanbaev pen Fıodor Emelıanovıch Kovalevti arnaıy baryp quttyqtady, dep habarlaıdy Egemen.kz.
Oblys basshysy ardagerlerge jyly lebizin bildirip, mereıtoılyq medal jáne Qonaev qalasynan jańa jaıly páterdiń kiltin tabystady.
Marat Sultanǵazıev soǵys jyldaryndaǵy erlikteri úshin shyn júrekten alǵysyn aıtyp, ardagerlerge qamqorlyq kórsetý – memlekettik saıasattyń basty baǵyttarynyń biri ekenin atap ótti.
«Búgingi beıbit ómir úshin janyn qıǵan, erlik kórsetken jandardyń esimi el jadynda máńgi saqtalady. Sizderdiń jeńiske qosqan úlesterińiz baǵa jetpes. Biz árqashan sizderdi maqtan tutamyz», dedi oblys ákimi.
Ardagerler kórsetilgen qurmet pen qoldaý úshin óńir basshylyǵyna alǵystaryn bildirip, halqymyzdyń beıbit zamanda baqytty ómir súrýin tiledi.
Jeńistiń 80 jyldyǵyn atap ótý – ótken tarıhqa taǵzym etip, erlik pen eldik uǵymyn urpaqtyń zerdesine sińirý.
Aıta keteıik, oblystaǵy barlyq soǵys ardagerlerine 5 mıllıon teńge kóleminde aqshalaı sertıfıkattar berilgen bolatyn.
Almaty oblysy