9 mamyrda Qaraǵandy oblystyq tarıhı-ólketaný mýzeıi Jeńis saıabaǵynda Uly Jeńistiń 80 jyldyǵyna arnalǵan «Erlik elge mura, urpaqqa uran» atty ashyq aspan astyndaǵy kórme-ınstallıasııa ótkizdi, dep jazady Egemen.kz.
Kórme qaraǵandylyqtardyń Uly Otan soǵysyndaǵy erligin urpaqqa úlgi etip kórsetý, elge degen súıispenshilikti, patrıottyq rýhty dáripteý maqsatynda uıymdastyryldy.
Kórmede mýzeı qorynan alynǵan fotosýretter, qujattar, maıdan hattary, jaýyngerlerdiń jeke zattary men áskerı buıymdar usynyldy. Soǵys kezindegi evakogospıtaldy beıneleıtin ınstallıasııalyq shatyr kelýshilerdiń qyzyǵýshylyǵyn týdyrdy.