Densaýlyq saqtaý mınıstrliginiń Medısınalyq termınologııa komıssııasy men Semeı medısına ýnıversıteti birlesip Respýblıkalyq termınologııalyq konferensııa ótkizdi, dep jazady Egemen.kz.
Konferensııanyń kún tártibinde bekitilgen medısınalyq termınderdiń biryńǵaı sózdigin ázirleý, densaýlyq saqtaý salasyndaǵy normatıvtik quqyqtyq aktilerdiń termınologııalyq bazasyn qalyptastyrý jáne ózekti medısınalyq termınologııa sózdigin jasaý máseleleri qaraldy.
Konferensııa barysynda jas ǵalymdar medısınalyq termınologııaǵa qatysty ózekti máselelerdi talqylady. Olar ǵylymı jarııalanymdardaǵy abbrevıatýralardy, normatıvtik quqyqtyq aktilerdegi termınderdi jáne ǵylymı-medısınalyq tildiń júıelenýin taldaýǵa erekshe nazar aýdardy.
Bólek taqyryp retinde salalyq jasandy ıntellektti engizý máselesi kóterildi, onyń ishinde KAZHealthGPT júıesin ázirleý de bar.
Sonymen qatar, qatysýshylar «Memlekettik tildegi 100 medısınalyq oqýlyq» jobasynyń bolashaǵyna senim bildirdi. Motıvasııa retinde qazaq tilinde oryndalǵan ǵylymı jumystardy yntalandyrýdy jáne ǵylymı jýrnaldardaǵy úzdik jarııalanymdar úshin syıaqylar taǵaıyndaýdy usyndy.