Áleýmettik jelide Aqtaýda jol boıyndaǵy tóbelestiń vıdeosy jarııalandy. Oqıǵa Aqtaýda 9 mamyrǵa qaraǵan túni boldy, dep habarlaıdy Egemen.kz.
Kýáger túsirgen kadrda oblys ortalyǵyndaǵy 5-shaǵyn aýdanda ornalasqan «Pınta» meıramhanasyna qarama-qarsy jol boıynda on shaqty jigittiń tóbelesip jatqanyn kórýge bolady.
Oqıǵa jolda kólik keptelisin týdyrdy. Vıdeoda oqıǵa ornyna polısııa patrýliniń jetkeni de kórinedi. Tóbeleske qatysýshylar ustaldy.
«Atalǵan fakti boıynsha qylmystyq is qozǵaldy. Kúdiktiler qamaýǵa alyndy. Oqıǵanyń mán-jaıy anyqtalýda. Sotqa deıingi tergeý amaldary júrgizilip jatyr», - delingen habarlamada.