Taraz qalasynda keńes odaǵynyń batyry, dańqty áskerı qolbasshys, jazýshy Baýyrjan Momyshulynyń mýzeıi ashyldy, dep habarlaıdy Egemen.kz.
Jańa nysannyń lentasy jeńistiń 80 jyldyǵy men Baýyrjan Momyshulynyń 115 jyldyǵyna oraı qıyldy. Ashylý rásimine Jambyl oblysynyń ákimi Erbol Qarashókeev, Uly Otan soǵysynyń ardagerleri men tyl eńbekkerleri, Halyq qaharmany, general-leıtenant Baqytjan Ertaev, QR Parlamenti Májilisiniń depýtattary jáne óńir turǵyndary qatysty. Qonaqtar mýzeıdi aralap, taý tulǵanyń ómir joly men qaharmandyq beınesin, sondaı-aq soǵys jyldaryndaǵy erlik shejiresin tamashalady.
Kórmege Baýyrjan Momyshulynyń balalyq shaǵy, áskerı qyzmeti, otbasy jaıly tyń derekter, sondaı-aq jeke zattary men qujattary qoıylǵan. Jádigerler qatarynda polkovnık shenindegi shıneli, batyrdyń ózi syzǵan áskerı karta, sondaı-aq «Ushqan uıa» men «Artymyzda Máskeý» shyǵarmalaryn jazǵan qalamy men sııasaýyty da ornalastyrylǵan.
Jambyl oblystyq tarıhı-ólketaný mýzeıine batyrdyń ózi tartý etken maýzeri, Keńes Odaǵynyń Batyry Altyn Juldyzy men Lenın ordeniniń kóshirmeleri, aıdahar beınelengen qylyshy, sondaı-aq sırek kitaptary men sýretteri de qoıylǵan.
Odan bólek, beıbit kúnde kıgen kıimderi men ydys-aıaqtary, kúmis qasyqtar, aǵash tostaǵandar, qymyz shómishi, shaı ishetin ydystar men dombyrasy kórmeniń sánin kirgizip tur. Batyrdyń ózi oıǵan órnekterden turatyn albom, Qurmet gramotasy, Keńes Odaǵynyń Batyry ataǵyn berý týraly Jarlyq pen ózge de marapattaý qujattary da ekspozısııadan oryn alǵan.
Kórmeniń biregeı jádigeri – Baýyrjan Momyshuly Qyzyl Armııa qataryna alǵash shaqyrylǵan 1932 jyly jáne zapasqa shyǵyp, elge oralǵan 1956 jyly ózimen birge bolǵan chemodan men soǵys kezindegi batalon, polk, dıvızııanyń qupııa qujattary saqtalǵan temir seıf.
Sondaı-aq kórmeden batyr kıgen shınel, etik, papaha jáne shyǵarmashylyqqa bet burǵan kezeńdegi 70-ten astam qolóner týyndylary – oıýlanǵan fıgýralar usynylǵan.
Túpnusqada Tahaýı Ahtanov pen Ábdilda Tájibaev sekildi qazaq ádebıetiniń kórnekti ókilderi otyrǵan ústeli, batyrdyń soǵys jyldarynan beri qasynda bolǵan ústel shamy, kompasy, saǵaty men fortepıanosy da kelýshilerdiń erekshe qyzyǵýshylyǵyn týdyrdy.
Taraz