11 mamyr kúni Almaty qalasynyń Áýezov aýdanyndaǵy Mamyr-4 shaǵynaýdanynda ornalasqan jekemenshik turǵyn úıden shyqqan iri órt tolyq sóndirildi. Bul týraly QR Tótenshe jaǵdaılar mınıstrliginiń baspasóz qyzmeti málimdedi, dep habarlaıdy Egemen.kz.
Vedomstvonyń habarlaýynsha, ot turǵyn úıdiń shatyryna tutanyp, keıin qoıma retinde paıdalanylǵan jeke qurylysqa ótken. Alaıda qutqarýshylardyń shuǵyl áreketiniń arqasynda órttiń kórshi ǵımarattarǵa taralýyna jol berilmedi.
«Qabyldanǵan sharalardyń nátıjesinde órt 290 sharshy metr aýmaqta sóndirildi», – delingen resmı aqparatta.
Oqıǵa saldarynan zardap shekkender joq. Qazir órttiń shyǵý sebebi anyqtalyp jatyr.