Aýǵanstanda bılikke kelgen «Talıban» qozǵalysy shahmat oıynyna resmı túrde tyıym saldy, dep habarlaıdy Egemen.kz Bul týraly AFP agenttigine silteme jasap.
Tálipterdiń Sport departamentiniń ókili Atala Mashvanı shahmatty «qumar oıyndardyń qataryna jatatyn» áreket retinde sıpattap, oǵan tyıym salý sheshimi 2024 jyly qabyldanǵan «Izgilikti nasıhattaý jáne buzaqylyqtyń aldyn alý týraly» zań aıasynda júzege asqanyn málimdedi.
«Shahmat – ýaqytty zaıa ketiredi, adamdardy aldaıdy jáne qumar oıynǵa uqsas. Sol sebepti bul oıynǵa tyıym salynady», delingen bılik ókilderiniń túsiniktemesinde.
Bul sheshim Aýǵanstanda sońǵy jyldary engizilgen shekteýler leginiń jalǵasy. Buǵan deıin tálipter mýzyka tyńdaý, kıno kórý, áıelderdiń bilim alýy men qoǵamdyq ómirge qatysýyna tyıym salǵan bolatyn.
Halyqaralyq qaýymdastyq atalǵan shekteýlerdi adamnyń negizgi quqyqtaryna qol suǵý dep baǵalap otyr. Al shahmat oıyny búkil álemde zııatkerlik sport túri retinde moıyndalǵan. Tipti keıbir musylman elderinde ony aqyl-oı jattyǵýy, strategııalyq oılaý qabiletin damytatyn qural retinde dáripteıdi.