Aqmola oblysynyń Ereımentaý aýdanynda toǵyz mekteptiń 298 muǵalimine jalaqy tólenbeı, jalpy bereshek kólemi 80 mıllıon teńgeni quraǵan, dep habarlaıdy Egemen.kz.
Oblystyq prokýratýranyń málimetinshe, Ereımentaý aýdanynyń birneshe bilim berý mekemesinde muǵalimderdiń eńbek quqyqtarynyń buzylǵany anyqtalǵan.
«Prokýratýra organdary azamattardyń eńbek quqyqtaryn qorǵaý salasynda zańdylyqtyń jaı-kúıine turaqty túrde taldaý júrgizip keledi. Júrgizilgen qadaǵalaý aktileriniń nátıjesinde muǵalimder aldyndaǵy barlyq bereshek tolyq kólemde ótelip, 298 pedagogtyń konstıtýsııalyq quqyqtary qorǵaldy», delingen habarlamada.
Qazirgi ýaqytta prokýratýra eńbek quqyqtaryn qorǵaýǵa baǵyttalǵan jumystardy jalǵastyryp jatyr.