ASTANA. 20 maýsym. Elbasy Ýkraına Prezıdenti Petr Poroshenkomen telefon arqyly sóılesti. Bul týraly akorda.kz habarlady.
Áńgimelesý barysynda Petr Poroshenko qol jetkizilgen burynǵy ýaǵdalastyqtarǵa sáıkes Ýkraına Qazaqstannyń Dúnıejúzilik saýda uıymyna kirý úderisin qoldaǵanyn aıtty. Nursultan Nazarbaev kórsetken qoldaýy úshin Ýkraına prezıdentine rızashylyq bildirdi.
Eki eldiń kóshbasshylary ekijaqty yntymaqtastyqtyń ózekti máselelerine qatysty pikir almasyp, aldaǵy ýaqytta ótetin Qazaqstan-Ýkraına ekonomıkalyq yntymaqtastyq máseleleri jónindegi birlesken memleketaralyq komıssııa otyrysynda jemisti nátıjelerge qol jetkiziledi dep úmittenetinderin aıtty.
Qazaqstan men Ýkraına prezıdentteri Petr Poroshenkonyń Astanaǵa jasaıtyn aldaǵy saparyn da talqylady.
Telefon arqyly sóılesýge Ýkraına jaǵy bastamashy boldy.
Elaman Qońyr.
Derek, sýret: akorda.kz.