Belgili dombyrashy teńiz deńgeıinen 6189 metr bıiktikte ornalasqan Everest eteginde - Aılend Pık shyńyn baǵyndyrdy, dep habarlady Egemen.kz.
Qallekı teatry halyq aspaptar ansambliniń múshesi, dombyrashy Álibek Qaıyrbek - qasıetti dombyrany álemniń eń bıik núktelerinde kúmbirletip júrgen óner ıesi. Bul joly ol Aılend Pık shyńynyń basynda qazaqtyń uly kompozıtory Nurǵısa Tilendıevtiń 100 jyldyǵyna oraı kúı oryndap, ulttyq ónerdi bıikke kóterdi. Bul oryndaý teatrdyń halyq aspaptar ansambliniń kórkemdik jetekshisi, marqum Maraljan Myrzaqulovaǵa arnaldy.
Ekspedısııa halyqaralyq «Álem shyńdaryndaǵy dombyra» jobasy aıasynda ótti. Bul jobanyń negizin qalaǵan Álibek: «Qazaq kúıiniń únin álemniń eń bıik núktelerine jetkizý basty maqsat» - deıdi.
Sapar barysynda Álibek Kala Pattar shyńyna (5644 m) kóterildi. Sonymen qatar, Khýmbý óńiriniń aýyldarynda shaǵyn konsertter berip, qazaqtyń qasıetti dombyrasyn jergilikti halyqqa tanystyrdy.