Teńge baǵamy: qubylǵanmen, quldyramaıdy

Sáýirde Qazaqstan qor bır­ja­syndaǵy (KASE) valıýta saýda­synyń kólemi artyp, kún saıyn orta eseppen 246 mln dollar satylǵan. Bir aı ishinde jalpy saýda kólemi 5,4 mlrd dollarǵa jetti. Osy saýdanyń bir bóligi – Ult­tyq qordan satylǵan valıýta. Sáýir aıynda bas bank Ulttyq qor esebinen 968 mln dollar satqan. Bul aqsha respýblıkalyq bıýdjetti qarjylandyrýǵa qajet bolǵan. Iаǵnı kún saıyn naryqqa orta eseppen 44 mln dollar shyǵarylǵan.

– Ulttyq qor qarajatymen operasııalar júrgizý kezinde, sondaı-aq «aınalaý» tetigin iske asyrý ke­zin­de Ulttyq bank naryqtyq beı­tarap qaǵıdatyn saqtaıdy. Bul shetel valıýtasyn turaqty jáne birkelki satýdy bildiredi. Ulttyq bank sáýirde valıýtalyq ıntervensııa júrgizgen joq. О́tken aıdyń qorytyndysy boıynsha, valıýtalyq túsimniń bir bóligin mindetti satý normasy aıasynda kvazımemlekettik sektor sýbektileriniń valıýta­lyq tú­simdi satý kólemi shamamen 308 mln dollardy qurady. Kvazımemlekettik sektor kompanııa­lary valıýta na­ryǵyndaǵy satý úderisin ekinshi deńgeıli bankter arqyly óz betinshe jalǵastyryp keledi, – delingen bas bank habarlamasynda.

Bul úrdis mamyrda da jalǵasa­dy. Úkimettiń aldyn ala boljamyna sáıkes, osy aıda Ulttyq qordan 950-1050 mln dollar aralyǵynda valıýta satylmaq. Bul da bıýdjetti qoldaýǵa baǵyttalady.

Taǵy bir aıtarlyq jaıt – BJZQ-nyń valıýtalyq aktıvteri. Zeı­netaqy qory óz aktıvteriniń 40%-yn valıýtada ustaýy kerek. Osy maqsatta sáýirde Ulttyq bank BJZQ úshin 250 mln dollar satyp alǵan. Bul – jalpy saýdanyń shamamen 5%-y. Mamyrda da osy kólemnen aspaıtyn valıýta satyp alynady. Bul – zeınetaqy jınaqtarynyń qunyn saqtap qalý úshin qajet sheshim.

Ulttyq bank aldaǵy ýaqytta valıýta naryǵyndaǵy jaǵdaı salyq tóleý kezeńine, geosaıası ózgeriske jáne álemdik naryqtaǵy jaǵdaıǵa baılanysty qubylyp turatynyn eskertedi. Soǵan qaramastan, bank teńge baǵamyn jasandy ustaýǵa tyryspaıtynyn, kerisinshe tepe-teńdik pen rezerv qaýipsizdigin saqtaý qaǵıdatynan aınymaıtynyn aıtady.